କଳାପଥର (ବାଙ୍କୀ) : ୨୦୦୦ ମସିହା ଫେବୃଆରୀ ମାସ ୧୫ ତାରିଖରେ ବାଙ୍କୀ ବ୍ଲକ ବୈଦ୍ୟଶ୍ୱର ଥାନା ଅନ୍ତର୍ଗତ ନୂଆଗାଁ ଗ୍ରାମପଞ୍ଚାୟତ ଖଜୁରୀପଦା ଗ୍ରାମରେ ହୋଇଥିବା ଡବଲ ମର୍ଡର ଘଟଣାରେ ସମ୍ପୃକ୍ତ କେତେକ ବ୍ୟକ୍ତି ଗ୍ରାମରେ ହଙ୍ଗାମା ସୃଷ୍ଟି କରିବା ସହିତ ଗ୍ରାମକୁ ଭିନ୍ନ ଭିନ୍ନ ସମୟରେ ଆସି ବିପକ୍ଷ ଗୋଷ୍ଠୀର ଲୋକଙ୍କୁ ଭୟଭୀତ କରିବା ସହିତ ମାରଧର କରୁଛନ୍ତି ବୋଲି ସ୍ଥାନୀୟ ବୈଦ୍ୟଶ୍ୱର ଥାନାରେ କେଶ୍ ନଂ ୬୬/୨୪ ରେ ଏତଲା ଦିଆଯାଇଛି ।
ମିଳିଥିବା ସୂଚନା ଅନୁଯାୟୀ, ଗତକାଲି ପଣା ସଂକ୍ରାନ୍ତି ଅବସରରେ ନୂଆଗାଁରେ ହେଉଥିବା ଝାମୁଯାତ୍ରା ଦେଖିବାକୁ ଡବଲ ମର୍ଡର ଘଟଣାରେ ସମ୍ପୃକ୍ତ ଥିବା ସହିତ ହାଇକୋର୍ଟରୁ ଜାମିନ ପାଇଥିବା ଦୁଇଜଣ ଯୁବକ ଆସିଥିଲେ ।
ସେମାନେ ଗାଁ ରେ ଝାମୁଯାତ୍ରା ଦେଖି ବେଗୁନିଆ ଥାନା ଧଳାପଥରଠାରେ ଥିବା ସମୟରେ ହତ୍ୟାକାଣ୍ଡର ଶିକାର ହୋଇଥିବା ମହିଳା ସରପଞ୍ଚଙ୍କ ସ୍ଵାମୀ ଭଗବାନ ପ୍ରଧାନଙ୍କ ପରିବାରର ଦୁଇଜଣ ଯୁବକ ଧଳାପଥର ଆସିଥିବାବେଳେ ସେଠାରେ ଥିବା ଅନ୍ୟ ଦୁଇ ଯୁବକ ସେମାନଙ୍କୁ ଗାଳି ଗୁଲଜ କରିଥିଲେ ବୋଲି ଥାନାରେ ଅଭିଯୋଗ ହୋଇଛି । ଅନ୍ୟପଟେ ପୁଲିସ ଏହା ଉପରେ ନଜର ରଖିଛି ବୋଲି ଥାନା ଅଧିକାରୀ ପ୍ରିୟ ସେଠୀ କହିଛନ୍ତି।
Comments are closed.