କଣ୍ଟାବାଞ୍ଜି : କଣ୍ଟାବାଞ୍ଜି ଅବକାରୀ ଥାନା ସ୍କ୍ୱାର୍ଡଆଜି ତୁରେକେଲା କଲେଜ ରାସ୍ତାରେ ଯାଉଥିବା ଏକ ଗାଡ଼ିକୁ ଅଟକାଇ ଯାଞ୍ଚ କରିଥିଲେ। ଯାଞ୍ଚ ସମୟରେ ସେହି ଗାଡ଼ିରୁ ୮.୩୫କୁଇଣ୍ଟାଲ ମହୁଲ ଜବତ ହୋଇଥିଲା। ଏହି ମହୁଲ ବିକ୍ରି ପାଇଁ ଲାଠୋର ନିଆଯାଉଥିଲା। ବେଆଇନ ଭାବେ ମହୁଲ ବିକ୍ରି ପାଇଁ ନେଉଥିବା ଅଭିଯୋଗରେ ଗାଡିଚାଲକ ତେତେଲଖୁଣ୍ଟି ଗାଁର ନବୀନ ପୁଟାଙ୍କୁ ଗିରଫ କରାଯାଇଛି। ଏହାସହ ଅବକାରୀ ଆଇନ ଅନୁଯାଇ ଏକ ମାମଲା ରୁଜୁ ପରେ ନବୀନଙ୍କୁ କୋର୍ଟ ଚାଲାଣ କରାଯାଇଛି। ଜବତ ମହୁଲର ସରକାରୀ ଧାର୍ଯ୍ୟ ମୂଲ୍ୟ ୪୭, ୭୫୦ଟଙ୍କା ବୋଲି ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଛି। ଆଜି ସ୍କ୍ୱାର୍ଡରେ ଅବକାରୀ ଥାନା ଇନଚାର୍ଜ ପ୍ରବୀଣ କୁମାର ସାହୁଙ୍କ ନେତୃତରେ ଏଏସଆଇ ଆର୍ତ୍ତ ତ୍ରାଣ ବହିଦାର, କନେଷ୍ଟେବଲ ରଞ୍ଜନ କୁମାର ମିଶ୍ର, ଆଶିଷ କୁମାର ପଟେଲ, ମମତା ବେହେରା ପ୍ରମୁଖ ସାମିଲ ଥିଲେ।
Popular Categories
Previous article
Next article