ମୁମ୍ବଇ :ବର୍ଷ ୨୦୧୮ ସାରା ଅଲ୍ଲୀ ଖାନଙ୍କ ପାଇଁ ବେଶ୍ ଶୁଭପ୍ରଦ ସାବ୍ୟସ୍ତ ହୋଇଛି। ଚଳିତ ମାସ ୭ ତାରିଖରେ ରିଲିଜ୍ ହୋଇଥିବା ଚଳଚ୍ଚିତ୍ର ‘କେଦାରନାଥ’ ମାଧ୍ୟମରେ ସେ ବଲିଉଡ଼ରେ ପାଦ ଥାପିଛନ୍ତି। ତେବେ ସାରା ଏବେ ତାଙ୍କ ଆଗାମୀ ଚଳଚ୍ଚିତ୍ର ‘ସିମ୍ବା’ର ପ୍ରଚାରରେ ବ୍ୟସ୍ତ ଥିବା ବେଳେ ତାଙ୍କ ହାତରେ ଆଉ ଏକ ଅଫର୍ ଥିବା ଜଣାପଡ଼ିଛି। ସୂଚନା ଅନୁସାରେ, ସାଜିଦ ନାଡିଓ୍ବାଡଓ୍ବାଲାଙ୍କ ତାଙ୍କ ଆଗାମୀ ଚଳଚ୍ଚିତ୍ର ‘ବାଗୀ-୩’ ପାଇଁ ସାରାଙ୍କୁ ନାୟିକା ଭାବେ ଚୟନ କରିଛନ୍ତି। ସାରା ଏହି ଚଳଚ୍ଚିତ୍ରରେ ଟାଇଗର ଶ୍ରଫଙ୍କ ସହ ଅଭିନୟ କରିବାର ସମ୍ଭାବନା ରହିଛି। ହେଲେ ସାରା ଏହି ଚଳଚ୍ଚିତ୍ର କରିବା ପାଇଁ ରାଜି ହୋଇଛନ୍ତି କି ନାହିଁ ତା’ର କୌଣସି ବିଧିବଧ ଘୋଷଣା ହୋଇନାହିଁ।
ସୂଚନା ଅନୁସାରେ, କିଛିଦିନ ହେବ ସାରାଙ୍କୁ ସାଜିଦଙ୍କ ଅଫିସ ବାହାରେ ଦେଖିବାକୁ ମିଳିଛି। ଏଥିରୁ ଅନୁମାନ କରାଯାଉଛି ସେ ସାଜିଦଙ୍କ ଆଗାମୀ ଚଳଚ୍ଚିତ୍ର ‘ବାଗୀ-୩’ରେ ସେ ଅଭିନୟ କରିପାରନ୍ତି।
