କୋରାପୁଟ: କୋରାପୁଟ ଜିଲା ଲକ୍ଷ୍ମୀପୁର ବ୍ଲକକୁ ଉପଖଣ୍ଡ ମାନ୍ୟତା ଦାବିରେ ଲକ୍ଷ୍ମୀପୁର ବିକାଶ ପରିଷଦ ପକ୍ଷରୁ ସକାଳ ୬ଟା ରୁ ୧୨ ଘଣ୍ଟିଆ ବନ୍ଦ ପାଳନ କରାଯାଉଛି । ଯାହା ଫଳରେ ୩୨୬ ନମ୍ବର ଜାତୀୟ ରାଜପଥର ଉଭୟ ପାର୍ଶ୍ଵରେ ଯାନବାହାନ ଗୁଡ଼ିକ ଅଟକି ରହିଛି । ସହରରେ ସମସ୍ତ ଦୋକାନ ବଜାର ବନ୍ଦ ରହିଛି । ଦୀର୍ଘ ବର୍ଷ ହେଲା ନାରାୟଣପାଟଣା , ଦଶମନ୍ତପୁର , ବନ୍ଧୁଗାଁ ଓ ଲକ୍ଷ୍ମୀପୁର , ଚାରୋଟି ବ୍ଲକ କୁ ନେଇ ଲକ୍ଷ୍ମୀପୁର କୁ ଉପଖଣ୍ଡ ପାଇଁ ଦାବି ହୋଇଆସୁଛି । ଏପରିକି ୨୦୧୮ ମସିହାରେ କୈଳାଶ ଚନ୍ଦ୍ର କୁଲେସିକା ବିଧାୟକ ଥିବାବେଳେ ଏଥିପାଇଁ ଅନଶନ କରିଥିଲେ । ସରକାର ଏହାକୁ ବିଚାରକୁ ନେଇ ପୂରଣ କରିବା ଦିଗରେ ପଦକ୍ଷେପ ନେବେ ବୋଲି ପ୍ରତିଶ୍ରୁ୍ତି ମଧ୍ୟ ମିଳିଥିଲା। କିନ୍ତୁ ପାଞ୍ଚ ବର୍ଷ ପରେ ବି ତାହା ପୂରଣ ହୋଇନାହିଁ । ଫଳରେ ବିକାଶ ପରିଷଦ ଏହି ଦାବିକୁ ଦୋହରାଇ ପୁର୍ନବାର ବନ୍ଦ ଡାକରା ଦେଇଛି ।
Comments are closed.