ବିହାରି ଢାବାରେ ନକଲି ବିଦେଶୀ ମଦର ପସରା ; ମାଡି ବସିଲା ଅବକାରୀ, ଜଣେ ଗିରଫ 

ଗୁଡଭେଲା: ତୁଷୁରା ଥାନା ଅଞ୍ଚଳରେ ଥିବା ବିଭିନ୍ନ ଚା’ ପାନ ଦୋକାନ ସହ ଢାବା ଗୁଡିକରେ ବେଆଇନ ଭାବରେ ଦୀର୍ଘ ବର୍ଷ ହେଲା ନକଲି ବିଦେଶୀ ମଦ କାରବାର ଚାଲୁଥିବାର ଅଭିଯୋଗ ହେଉଥିଲା। ତୁଷୁରାରେ ନୂତନ ଭାବରେ ଅବକାରୀ ନିରୀକ୍ଷକ ଯୋଗ ଦେବା ପରେ ଜୋରସୋର ଭାବରେ ଚଢ଼ାଉ କରୁଛନ୍ତି। ଯାହା ଫଳରେ ଦୀର୍ଘ ବର୍ଷ ଧରି ବିହାରି ଢାବାର ଚାଲିଥିବା ନକଲି ବିଦେଶୀ ମଦ ବେପାର ଧରା ପଡିଛି। ଏହି ନକଲି ମଦ କାରବାର କରୁଥିବା ଜଣେ ବ୍ୟକ୍ତିଙ୍କୁ ଗିରଫ କୋର୍ଟ ଚାଲାଣ କରିଛି ଅବକାରୀ ବିଭାଗ ହେଲେ ଜାମିନ ନା ମଞ୍ଜୁର ହେବାରୁ ତାଙ୍କୁ ବିଚାର ବିଭାଗୀୟ ହାଜତ ପଠାଯାଇଥିବା ଜଣାପଡିଛି।
ମିଳିଥିବା ସୂଚନା ଅନୁସାରେ ତୁଷୁରା ଅବକାରୀ ଥାନା ଅନ୍ତର୍ଗତ ଦେଉଳଗୁଡି ଠାରେ ଥିବା ବିହାରୀ ଢାବାରେ ଅବକାରୀ ବିଭାଗ ଚଢ଼ାଉ କରି ବିପୁଳ ପରିମାଣରେ ନକଲି ବିଦେଶୀ ମଦ ଜବତ କରିଛି। ଯେଉଁଥିରେ ମଦ ତିଆରି ପାଇଁ ବ୍ୟବହାର ହେବାକୁ ଥିବା ଲେବୁଲ,ବୋତଲର ଢାଙ୍କୁଣୀ ସହ ୨୬ ଲିଟର ବୀୟର ଓ ୫୪.୨୭୯ ଲିକର ମଦ ରହିଛି। କେଶ ନମ୍ବର ୨୦୮ରେ ଏକ ମାମଲା ରୁଜୁ କରି ଅରବିନ୍ଦ କୁମାର (୩୬)ଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ନେଇ ତୁଷୁରା ଓଆଇସି ସୀତାକାନ୍ତ ପାଣିଗ୍ରାହୀ ସୂଚନା ଦେଇଛନ୍ତି। ଖାଲି ଦେଉଳ ଗୁଡି ନୁହେଁ ତୁଷୁରା ଅଞ୍ଚଳରେ ଥିବା ଅନ୍ୟ ଢାବା ଗୁଡିକରେ ମଧ୍ୟ ନକଲି ବିଦେଶୀ ମଦ ବେପାର ଚାଲୁଛି ,ଏହା ଉପରେ କେବେ କାର୍ଯ୍ୟାନୁଷ୍ଠାନ ହେଉଛି ତାହା ତାକୁ ନେଇ ଆଲୋଚନା ଜୋର ଧରିଛି।