ଦେଓଗାଁ: ଦେଓଗାଁ ବ୍ଲକରେ ଆମ ଓଡ଼ିଶା ନବୀନ ଓଡିଶା କାର୍ଯ୍ୟକ୍ରମ ଉଦଯାପନ ହୋଇଛି। ଏହି କାର୍ଯ୍ୟକ୍ରମରେ ଖାଇବା ବଣ୍ଟନରେ ବିଶୃଙ୍ଖଳାକୁ ନେଇ ଗଣ୍ଡଗୋଳ ପରିସ୍ଥିତି ଉପୁଜିଛି। ମାମଲା ପୁଲିସ ପାଖକୁ ଯାଇଥିଲେ ବି ଲିଖିତ ଅଭିଯୋଗ ହୋଇନଥିବାରୁ ଏତଲା ହୋଇ ନ ଥିବା ଜଣାପଡିଛି। ଶନିବାର ଦିନ ଦେଓଗାଁ ବ୍ଲକ ଅନ୍ତର୍ଗତ ହାତୀସରା ପଞ୍ଚାୟତ କାର୍ଯ୍ୟାଳୟ ରେ ସରକାରୀ ସଭା ଚାଲିଥିଲା। ଆସିଥିବା ଅତିଥିମାନେ ସଚେତନ ବାର୍ତ୍ତା ଦେବା ପରେ ଲୋକଙ୍କ ପାଇଁ ଖାଇବା ବ୍ୟବସ୍ଥା ହୋଇଥିଲା। କିନ୍ତୁ ଭୋଜି ବଣ୍ଟନ ସ୍ଥଳରେ ମାଂସ ବଢ଼ା କୁ ନେଇ କିଛି ଲୋକଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା। ହେଲେ ଏହି ସମୟ ରେ ନାଇକେନଶିରା ଗାଁର ଶ୍ୟାମ ମେହେର ଙ୍କୁ ଜଣେ ବ୍ୟକ୍ତି ଆକ୍ରମଣ କରିବାରୁ ତାଙ୍କ ର ମୁଣ୍ଡରେ ଆଘାତ ଲାଗିଥିବା ଜଣାପଡିଛି। ଉପସ୍ଥିତ ଥିବା ଲୋକେ ଶ୍ୟାମ କୁ ଉଦ୍ଧାର କରି ଡାକ୍ତର ଖାନା କୁ ନେଇ ଚିକିତ୍ସା କରାଇଥିଲେ। ଏହା କୁ ନେଇ ଅଭିଯୋଗ କରିବା ପାଇଁ ଦେଓଗାଁ ଥାନା କୁ ମାଡ଼ ଖାଇଥିବା ବ୍ୟକ୍ତି ଯାଇଥିବା ବେଳେ ଆପୋଷ ବୁଝାମଣା ପାଇଁ ଏକ ରାଜନୈତିକ ଦଳର ବ୍ୟକ୍ତି ବିଶେଷ ପ୍ରୟାସ ଜାରି ରଖିଥିବା ଜଣାପଡିଛି। ଏନେଇ ଦେଓଗାଁ ପୁଲିସ କୁ ପଚାରିବାରୁ ଲିଖିତ ଅଭିଯୋଗ ଆସିନାହିଁ , ଅଭିଯୋଗ ହେଲେ କାର୍ଯ୍ୟାନୁଷ୍ଠାନ ହେବ ବୋଲି କହିଛନ୍ତି।
Comments are closed.