କଲମପୁର: କଲମପୁର ବିଜମରା ମୁଖ୍ୟ ରାସ୍ତାର ପାଣିଗାଁ ନିକଟରେ ମଙ୍ଗଳବାର ଘଟିଛି ଏକ ଦୁର୍ଘଟଣା। ଏକ ବୋଲେରୋ ରାସ୍ତା କଡ଼ରେ ଥିବା ଗଛକୁ ଧକ୍କା ଦେଇ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ବୋଲେରୋରେ ଥିବା ଜଣେ ଯାତ୍ରୀ ଗୁରୁତର ଭାବେ ଆହତ ହୋଇଛନ୍ତି। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଚିକିତ୍ସାପାଇଁ ଜୟପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିବା ବେଳେ ତାଙ୍କ ପରିଚୟ ମିଳିନାହିଁ।
ଅନ୍ୟପଟେ ଘଟଣାସ୍ଥଳରୁ ଚାଳକ ଫେରାର ଥିବା ଜଣାପଡ଼ିଛି। ବୋଲେରୋଟି କୌଣସି ଏକ ସଂସ୍ଥା ଅଧିନରେ ନିୟୋଜିତ ଥିବା ସୂଚନା ମିଳିଛି। ବଡକୁଟୃ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିଥିଲେ ମଧ୍ୟ କୌଣସି ସୂଚନା ମିଳିନାହିଁ।
