ସୁଆଣ୍ଡୋ : ଭାର୍ଗବୀ ନଦୀରେ ଗୋଟିଏ ପଥର ଭାସୁଥିବା ଜଣେ ମହିଳା ଦେଖିଥିଲେ। ମହିଳା ଜଣକ ଭାର୍ଗବୀ ନଦୀର ଗବକୁଣ୍ଡ ନିକଟକୁ ଗାଧୋଇବା ପାଇଁ ଯାଇଥିବା ଗୋଟିଏ ପଥର ପାଣିରେ ଭାସୁଥିବା ଦେଖିବାକୁ ପାଇଥିଲେ। ମହିଳା ଜଣକ ଘରକୁ ଫେରି ନଈରେ ପଥର ଭାସୁଥିବା ଘଟଣା ପୁଅକୁ କହିଥିଲେ। ତାଙ୍କ ପୁଅ ନଦୀ କୂଳରେ ପହଞ୍ଚି ପ୍ରକୃତରେ ପଥର ଭାସୁଥିବା ଦେଖିବାକୁ ପାଇଥିଲେ। ସେହି ପଥରକୁ ସେ ଆଣି ଗ୍ରାମର ହନୁମାନ ମନ୍ଦିରରେ ରଖିଥିଲେ।
ଘଟଣାର ସତ୍ୟତା ପରିଖିବା ପାଇଁ ଗ୍ରାମବାସୀ ଗୋଟିଏ ଡେକଚିରେ ପାଣି ଭର୍ତ୍ତି କରି ପଥରକୁ ରଖିବାରେ ତାହା ଭାସି ଥିଲା। ଆଗରୁ ପଥର ଭାସିବା କଥା ଲୋକମାନେ ଦେଖି ନଥିଲେ। ରାମାୟଣ ପୁରାଣ ବର୍ଣ୍ଣନା ଲୋକମୁଖରେ ପ୍ରଚାରିତ ହେବା ପରେ ଏହାକୁ ଦେଖିବା ପାଇଁ ଜନଗହଳି ଲାଗିଛି। କେତେକ ଉକ୍ତ ପଥରକୁ ଫୁଲ ଧୂପ ଦେଇ ପୂଜା ଅର୍ଚ୍ଚନା କରୁଛନ୍ତି। ଏହି ପଥରକୁ ଭୁବନେଶ୍ୱର ନିଆଯାଇ ବୈଜ୍ଞାନିକମାନେ ପରୀକ୍ଷା କରିବାକୁ ସାଧାରଣରେ ଦାବି ହୋଇଛି।
