ମୁମ୍ବଇ: ଲୋକପ୍ରିୟ ଗାୟକ ଗୁରୁ ରନ୍ଧାୱା ‘କୁଛ୍ ଖଟ୍ଟା ହୋ ଯାଏ’ ଚଳଚ୍ଚିତ୍ର ମାଧ୍ୟମରେ ବଲିଉଡ଼ରେ ପାଦ ଥାପିବାକୁ ଯାଉଛନ୍ତି। ମଙ୍ଗଳବାର ଏହାର ଟିଜର୍ ରିଲିଜ୍ ହୋଇଛି। ଏଥିରେ ସେ ଏକ ଅଜବ ପ୍ରେମ କାହାଣୀରେ ପ୍ରାଗଳ ପ୍ରେମୀ ସାଜିଥିବା ନଜର ଆସିଛନ୍ତି। ଟିଜରରେ ଗୁରୁ ରନ୍ଧାୱାଙ୍କ ସହ ସାଇ ମାଞ୍ଜରେକରଙ୍କୁ ଦେଖିବାକୁ ମିଳିଛି। ସେ ଏଥିରେ ନାୟିକା ଭାବେ ଅଭିନୟ କରିଛନ୍ତି। ଗୁରୁ ରନ୍ଧାୱା ନିଜ ଇନ୍ଷ୍ଟାଗ୍ରାମ ଆକାଉଣ୍ଟ ମାଧ୍ୟମରେ ଟିଜର ରିଲିଜ୍ ବିଷୟରେ ସୂଚନା ଦେଇଛନ୍ତି।
ଅଭିନେତା ଅନୁପମ ଖେର ମଧ୍ୟ ଏହି ଫିଲ୍ମରେ ଅଭିନୟ କରିଛନ୍ତି। ଟିଜରରେ ତାଙ୍କ ଝଲକ୍ ଦେଖିବାକୁ ମିଳିଛି। ଗୁରୁ ରନ୍ଧାୱାଙ୍କ ପ୍ରଶଂସକ ଓ ସାମାଜିକ ଗଣମାଧ୍ୟମ ୟୁଜର ଟିଜର ଦେଖି ବେଶ୍ ସକରାତ୍ମକ ପ୍ରତିକ୍ରିୟା ଦେଉଛନ୍ତି। ଏଥିସହ ବଲିଉଡ଼ରେ ପାଦ ଥାପିବା ନେଇ ଶୁଭେଚ୍ଛା ଜଣାଇଛନ୍ତି। ଫେବୃଆରୀ ୧୬ରେ ପରଦାକୁ ଆସିବ ‘କୁଛ୍ ଖଟ୍ଟା ହୋ ଯାଏ’।
