କଣ୍ଟାବାଞ୍ଜି : କଣ୍ଟାବାଞ୍ଜି ବୈଷୟିକ ମହାବିଦ୍ୟାଳୟରେ ନୂଆ ଓଡିଶା ଓ ଓଡ଼ିଆ ଭାଷା ସାହିତ୍ୟ ସଂସ୍କୃତି ଓ ଜଗନ୍ନାଥ ସଂସ୍କୃତିକୁ ନେଇ ଏକ ସାହିତ୍ୟ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି । ଏହି ଆଲୋଚନା ଚକ୍ରରେ ବରିଷ୍ଠ ଶିକ୍ଷାବିତ ଡ. ଗୋବର୍ଦ୍ଧନ ନାଏକ ମୁଖ୍ୟ ଅତିଥି, ମୁକୁନ୍ଦି ଲାଲ ଅଗ୍ରୱାଲ, ରାଜନୀତି ବିଜ୍ଞାନ ବିଭାଗ ଅଧ୍ୟାପିକା ସଞ୍ଜିବନୀ ସୁଧା ରଥ ଓ କବି ଡାକ୍ତର ସୁମନ୍ତ ପାଢ଼ୀ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ।
ଡ଼କ୍ଟର ଗୋବର୍ଦ୍ଧନ ନାଏକ ଜଗନ୍ନାଥ ସଂସ୍କୃତିର ଆବଶ୍ୟକତା ଓ ଏହାର ବିକାଶ କିପରି ହେଇପାରିବ ସେ ବିଷୟରେ ଅଭିଭାଷଣ ପ୍ରଦାନ କରିଥିଲେ । ସଞ୍ଜିବନୀ ସୁଧା ରଥ ଓ ସୁମନ୍ତ ପାଢ଼ୀ ତାଙ୍କ ଅଭିଭାଷଣରେ ଜଗନ୍ନାଥ ସଂସ୍କୃତିର ଉତ୍ପତି ଓ ଆଜିର ଆଧୁନିକ ସମାଜରେ ଏହାର କାର୍ଯ୍ୟକାରିତା ଓ ବାସ୍ତବତା ବିଷୟରେ ଆଲୋକପାତ କରିଥିଲେ ।
ଏହି ସଭାରେ ଅତିଥି ମାନଙ୍କୁ ଫୁଲତୋଡ଼ା ଓ ଔପଢ଼କନ ଦେଇ ସମ୍ମାନିତ କରାଯାଇଥିଲା । କାର୍ଯ୍ୟକ୍ରମର ନୋଡାଲ ଅଫିସର ଡ. ସଞ୍ଜୟ କୁମାର ମିଶ୍ର ମଞ୍ଚରେ ସ୍ୱାଗତ ଭାଷଣ ପ୍ରଦାନ କରି ସଭା ପରିଚାଳନା କରିଥିଲେ । ସମସ୍ତ ଅଧ୍ୟାପକ- ଅଧ୍ୟାପିକା ଓ କର୍ମଚାରୀ ଉପସ୍ଥିତ ରହି କାର୍ଯ୍ୟକ୍ରମ ସୁପରିଚାଳନାରେ ସହଯୋଗ କରିଥିଲେ ।
