କଳାପଥର(ବାଙ୍କୀ): ଧଳାପଥର ଫାଣ୍ଡି ଅନ୍ତର୍ଗତ ଶିରାମପୁରରେ ଜଣେ ଯୁବକ ଆତ୍ମହତ୍ୟା କରିଥିବା ଜଣାପଡ଼ିଛି। ହରିଜନ ସାହିର ଜଗନ୍ନାଥ ନାୟକ(୪୦) ନାମକ ଜଣେ ଯୁବକ ଆତ୍ମହତ୍ୟା କରିଛନ୍ତି।
ଖବରରୁ ପ୍ରକାଶ, ଗତ ୪ଦିନ ହେଲା ଜଗନ୍ନାଥ ନିଶାସକ୍ତ ଅବସ୍ଥାରେ ଘରୁ କେଁଉଆଡ଼େ ଚାଲିଯାଇଥିଲେ। ଘରଠାରୁ ୧ କିମି ଦୂର କୋଦବେରେନି-ଠଣାପଲ୍ଲୀ-ଭାପୁର ବାଇପାସ ରାସ୍ତା ରାଧିଗାଡ଼ିଆ ନିକଟ ଜଙ୍ଗଲରେ ବେକରେ ରଶି ବାନ୍ଧି ଝୁଲିପଡ଼ିଥିବା ମଙ୍ଗଳବାର ଜଣାପଡିଛି। ଅତ୍ୟଧିକ ମଦ୍ୟପନ ଯୋଗୁଁ ପାରିବାରିକ କଳହକୁ କେନ୍ଦ୍ର କରି ପ୍ରାୟ ୪ଦିନ ହେବ ଆତ୍ମହତ୍ୟା କରିଥିବା ଯୁବକଙ୍କ ମୃତଦେହ ପଚି ଦୁର୍ଗନ୍ଧ ହେବାରୁ ଲୋକମାନେ ଦେଖିବାକୁ ପାଇଥିଲେ। ଖବର ପାଇ ଧଳାପଥର ପୁଲିସ ଖୋର୍ଦ୍ଧାରେ ଶବ ବ୍ୟବଚ୍ଛେଦ କରାଇବା ସହ ପରିବାର ଲୋକଙ୍କୁ ମୃତଦେହ ହସ୍ତାନ୍ତର କରିଛି।
