ବ୍ୟାଙ୍କକ୍: ପ୍ୟାରିସ୍ରେ ଆୟୋଜିତ ହେବାକୁ ଥିବା ଅଲିମ୍ପିକ୍ସ ନିମନ୍ତେ ଯୋଗ୍ୟତା ଅର୍ଜନ କରିଛନ୍ତି ଭାରତୀୟ ତୀରନ୍ଦାଜ ଧୀରଜ ବୋମ୍ବଦେବରା। ବ୍ୟାଙ୍କକ୍ରେ ଆୟୋଜିତ ଏସିଆନ୍ କଣ୍ଟିନେଣ୍ଟାଲ ଯୋଗ୍ୟତା ଅର୍ଜନ ଟୁର୍ଣ୍ଣାମେଣ୍ଟରେ ୨୨ ବର୍ଷୀୟ ଧୀରଜ ରୌପ୍ୟ ପଦକ ଜିତିବା ସହ ପ୍ୟାରିସ୍ ଅଲିମ୍ପିକ୍ସରେ ଭାଗ ନେବାକୁ ଯୋଗ୍ୟତା ହାସଲ କରିଛନ୍ତି। ସ୍ବର୍ଣ୍ଣ ପଦକ ପାଇଁ ଖେଳାଯାଇଥିବା ମ୍ୟାଚ୍ରେ ଧୀରଜ ଚାଇନିଜ ତାଇପେର ଝି-ସିଆଙ୍ଗ ଲିନ୍ଙ୍କ ଠାରୁ ୨୯-୨୮, ୨୭-୨୯, ୩୦-୨୮, ୨୫-୨୬ ପଏଣ୍ଟରେ ପରାସ୍ତ ହୋଇଥିଲେ। କ୍ବାର୍ଟର ଫାଇନାଲରେ ଧୀରଜ ଇରାନ୍ର ଅସ୍ରଫି ବାଭିଲିଙ୍କୁ ପରାସ୍ତ କରିଥିବା ବେଳେ ସେମିରେ ଇରାନ୍ର ଗୋଲସାନିଙ୍କୁ ପରାସ୍ତ କରି ଫାଇନାଲରେ ପ୍ରବେଶ କରିଥିଲେ। ମହିଳା ବିଭାଗରେ ଭାରତର ଅଙ୍କିତା ଭକତ କ୍ବାର୍ଟର ଫାଇନାଲରେ ଉଜବେକିସ୍ତାନର ଅବଦୁସାଟାରୋଭାଙ୍କ ନିକଟରୁ ପରାସ୍ତ ହୋଇଥିଲେ।
Comments are closed.