କଲମପୁର: କଲମପୁର ଗ୍ରାମର ଜନୈକ ବ୍ୟକ୍ତିଙ୍କ ଘରର ସିଡି ତଳେ ଥିବା ଏକ ଅଜଗର ସାପକୁ ସୁରକ୍ଷିତ ଭାବେ ଶୁକ୍ରବାର ସକାଳେ ଉଦ୍ଧାର କରି ସିଙ୍ଗାରୀ ସଂରକ୍ଷିତ ଜଙ୍ଗଲରେ ଛାଡି ଦିଆଯାଇଛି। ଶୁକ୍ରବାର ସକାଳେ କଲମପୁର ଶରତ ଚନ୍ଦ୍ର ପୁରୋହିତଙ୍କ ଘର ସିଡି ତଳେ ଏକ ଅଜଗର ସାପ ଥିବା ତାଙ୍କ ପରିବାର ଲୋକ ଦେଖିଥିଲେ। ୧୦ ଫୁଟରୁ ଅଧିକ ଲମ୍ବ ଥିବା ସାପକୁ ଦେଖି ପରିବାର ଲୋକ ଛାନିଆ ହୋଇଥିଲେ। ଏନେଇ ତୁରନ୍ତ ଦାସିଗାଁ ଠାରେ ଥିବା ସ୍ନେକ ହେଲ୍ପ ଲାଇନ ସଦସ୍ୟ ବିରେନ୍ଦ୍ର କୁମାର ସାହୁଙ୍କ ସହ ଯୋଗାଯୋଗ କରିଥିଲେ। ବିରେନ୍ଦ୍ର ଏନେଇ ସୁଚନା ପାଇବା ପରେ ତୁରନ୍ତ ଶ୍ରୀ ପୁରୋହିତଙ୍କ ଘରେ ପହଂଚି ଅଜଗର ସାପଟିକୁ ସୁରକ୍ଷିତ ଭାବେ ଉଦ୍ଧାର କରିଥିଲେ। ଏହାସହ ସ୍ଥାନୀୟ ବନପାଳ ସୀମା ଧଙ୍ଗଡାମାଝୀଙ୍କୁ ଅଜଗର ଉଦ୍ଧାର ନେଇ ସୂଚନା ଦେଇଥିଲେ। ପରେ ସୁରକ୍ଷିତ ଭାବେ ସିଙ୍ଗାରୀ ସଂରକ୍ଷିତ ଜଙ୍ଗଲରେ ଅଜଗରକୁ ଛାଡି ଦିଆଯାଇଛି।
Popular Categories
Previous article
Next article