ସମ୍ବଲପୁର : ସମ୍ବଲପୁର ଦେଇ ନିୟମିତ ଦେଶର ବିଭିନ୍ନ ରାଜ୍ୟକୁ ଗଞ୍ଜେଇ ଚାଲାଣ ହେଉଥିବାରୁ ଅବକାରୀ ବିଭାଗ ପକ୍ଷରୁ ମଧ୍ୟ ନିୟମିତ ଗଞ୍ଜେଇ ଚେକିଂ କରାଯାଉଛି। ଏହି କ୍ରମରେ ଚେକିଂ ସମୟରେ ଅତି ଚତୁରତାର ସହିତ ଏକ ଦାମୀକିଆ କାର ମଧ୍ୟରେ ଗୁପ୍ତ ଚାମ୍ବର କରି ଗଞ୍ଜେଇ ଚାଲାଣ ସମୟରେ ଗୁଇନ୍ଦା ଅବକାରୀ ବିଭାଗର ଏକ ସ୍ୱତନ୍ତ୍ର ଦଳ ଧରିଛି। ସମ୍ବଲପୁରରୁ ଝାରସୁଗୁଡା ଯାଉଥିବା ବିଜୁ ଏକ୍ସପ୍ରେସ ୱେର ଶାସନ ପାବପାଲି ନିକଟରେ ଏହି କାରକୁ ଚେକିଂ ସମୟରେ ଗୁପ୍ତ ଚାମ୍ବର ମଧ୍ୟରେ ୨ଟି ଜରି ବସ୍ତା ମଧ୍ୟରେ ୩୦ କିଗ୍ରା ଗଞ୍ଜେଇ ରଖାଯାଇଥିବାର ଅବକାରୀ ଦଳ ପାଇଥିଲେ। କାର ଯୋଗେ ବେଆଇନ ଭାବରେ ବୌଦ୍ଧ ଜିଲାରୁ ବିହାର ରାଜ୍ୟକୁ ଗଞ୍ଜେଇ ଚାଲାଣ କରୁଥିବା ଅଭିଯୋଗରେ ୨ ଜଣ ଅଭିଯୁକ୍ତ ପୁଲିସ ବିହାର ରାଜ୍ୟର ଭୋଜପୁର ଜିଲା ନିବାସୀ ଜିତେନ୍ଦ୍ର କୁମାର ଦୁବେ (୩୬) ଓ ଲକ୍ଷ୍ମଣ ରାୟ (୫୬) ଙ୍କୁ ଗିରଫ କରାଯାଇଛି। ଜବତ ହୋଇଥିବା ଗଞ୍ଜେଇ ଓ କାରର ଆନୁମାନିକ ମୂଲ୍ୟ ୮ ଲକ୍ଷ ଟଙ୍କାରୁ ଉର୍ଦ୍ଧ ହେବ ବୋଲି ଡେପୁଟି କମିଶନର ରାଜେନ୍ଦ୍ର ଭୋତ୍ରା ସୂଚନା ଦେଇଛନ୍ତି।
Popular Categories
Previous article
Next article