ପାଟଣା: ଆଇଜିଏସଏସଏସ ତରଫରୁ ଚାଲିଥିବା ସୁ-ପୋଷଣ ପ୍ରକଳ୍ପର ପୋଷଣ ଉପରେ ଏକ ଦିବସୀୟ ପ୍ରଶିକ୍ଷଣ ଶିବିର କୁଆଝରଣ ଠାରେ ଆଜି ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟତଃ ଗର୍ଭବତୀ, ପ୍ରସୂତି, ଶିଶୁ ଓ କିଶୋରୀ ମାନଙ୍କୁ କିପରି ସୁପୋଷିତ କରାଯାଇ ପାରିବ ତାହା ଉପରେ ଶିବିରାର୍ଥି ମାନଙ୍କୁ ପ୍ରଶିକ୍ଷଣ ଦିଆଯାଇଥିଲା। ପରାମର୍ଶଦାତା ଶିବନାଥ ପ୍ରଧାନ ଯୋଗ ଦେଇ ତାଲିମର ଲକ୍ଷ୍ୟ, ଉଦ୍ଦେଶ୍ୟ ବିଷୟରେ ଧାରଣା ଦେଇଥିଲେ। ପ୍ରଶିକ୍ଷକ ଭାବେ କୃଷ୍ଣଚନ୍ଦ୍ର ବାରିକ ଯୋଗ ଦେଇ ପ୍ରଥମ ୧ ହଜାର ଦିନର ଗୁରୁତ୍ଵ, କୁ-ପୋଷଣ ଚକ୍ର, ସ୍ତନ୍ୟପାନର ଗୁରୁତ୍ଵ ଓ ଖାଦ୍ୟର ବିବିଧତା ଉପରେ ବିଭିନ୍ନ ପ୍ରଣାଳୀ ମାଧ୍ୟମରେ ବୁଝାଇଥିଲେ। ଏଥିରେ ନୋଲ, କୁଆଝରଣ, ଗୟଳମୁଣ୍ଡା ଓ କୁଲାଡେରାର ଅଙ୍ଗନୱାଡି କର୍ମୀ, ଆଶା ଦିଦି ଓ କିଶୋରୀ ବାଳିକା ଗଣ ମୋଟ ୩୭ ଜଣ ସାମିଲ ହୋଇଥିଲେ। କାର୍ଯକ୍ରମକୁ ଶ୍ରୀମତି ଜୁଆଙ୍ଗ, ଶକୁନ୍ତଳା ଜୁଆଙ୍ଗ, ମଳୟ ଜୁଆଙ୍ଗ ଗ୍ରାମ୍ୟ ସେଚ୍ଛାସେବି ମାନେ ପରିଚାଳନା କରିଥିଲେ।
Popular Categories
Previous article
Next article