କେନ୍ଦୁଝରଗଡ : ଅନୁଗୁଳ ଜିଲା ଆଠମଲ୍ଲିକରୁ ପଶ୍ଚିମବଙ୍ଗକୁ ବେଆଇନ କେନ୍ଦୁପତ୍ର ଚାଲାଣ ହେଉଥିବା ବେଳେ କେନ୍ଦୁଝର ଜିଲା ଭୂୟାଁ ଜୁଆଙ୍ଗ ପୀଢ଼ (ବିଜେପି) ବନାଞ୍ଚଳ ଅଧିକାରୀ ବିଜୟ କୁମାର ମହାନ୍ତଙ୍କ ନେତୃତ୍ୱରେ ସୋମବାର ସନ୍ଧ୍ୟାରେ ସାନଘାଗରା ନିକଟରେ ଚଢାଉ କରାଯାଇ କେନ୍ଦୁପତ୍ର ବୋଝେଇ ଭ୍ୟାନକୁ ଜବତ କରିବା ସହ ୨ ଅଭିଯୁକ୍ତଙ୍କୁ ଗିରଫ କରି ମଙ୍ଗଳବାର କୋର୍ଟ ଚାଲାଣ କରାଯାଇଛି। ଗିରଫ ଅଭିଯୁକ୍ତ ମାନେ ହେଲେ ମୟୁରଭଞ୍ଜ ଜିଲା ବିଶୋଇ ଥାନା ବାଉଟିବେଡା ଗ୍ରାମର ମୋହନ ଚରଣ ମହାନ୍ତ (୫୫) ଓ ସାନଜୁମୁବିଲା ଗ୍ରାମର ଯଶୋବନ୍ତ ମହାନ୍ତ (୪୦) ବୋଲି ଜଣାପଡିଛି। ପ୍ରାୟ ଦେଢ଼ଲକ୍ଷ ଟଙ୍କା ମୂଲ୍ୟର ୧୦ କୁଇଣ୍ଟାଲ କେନ୍ଦୁପତ୍ରକୁ ବନ ବିଭାଗ ପକ୍ଷରୁ ଜବତ କରାଯାଇଛି। ଅନ୍ୟମାନଙ୍କ ମଧ୍ୟରେ ଶୁଆକାଟୀ ଫରେଷ୍ଟର ଜ୍ୟୋର୍ତିମୟୀ ପଟ୍ଟନାୟକ ଓ କେନ୍ଦୁଝର ଟାଉନ ଫରେଷ୍ଟର ପ୍ରଦୀପ କୁମାର ବାରିକ ପ୍ରମୁଖ ଏହି ଚଢାଉରେ ସହାୟତା କରିଥିଲେ।
Popular Categories
Previous article
Next article