ମାଲକାନଗିରି: ମାଲକାନଗିରି ଜିଲା ବଣ୍ଡା ଘାଟିରୁ ଆସିଲା ଅଭାବନୀୟ ଚିତ୍ର। ପୁଣି କାନ୍ଧରେ ବୁହାହେଲେ ଗର୍ଭବତୀ। ଖଇରପୁଟ ବ୍ଲକ ମୁଦୁଲିପଡା ଅର୍ଥାତ ବଣ୍ଡା ଘାଟିର କିଚପଡା ଗାଁର ବାବୁ କ୍ରିସାନିଙ୍କ ସ୍ତ୍ରୀ ଶୁକ୍ରୀ କ୍ରିସାନିଙ୍କୁ ଆଜି ସକାଳେ ଗର୍ଭ ଯନ୍ତ୍ରଣା ହେବାରୁ ୧୦୮କୁ କଲ କରିଥିଲେ। କିନ୍ତୁ ରାସ୍ତା ନଥିବାରୁ ଆମ୍ବୁଲାନ୍ସ ଗାଁ ଠାରୁ ପ୍ରାୟ ୮ କିମି ଦୂରରେ ଅଟକି ରହିଯାଇଥିଲା। ଚାଷ ବାସ ସମୟ ଥୁବାରୁ ଗାଁରେ କୌଣସି ଲୋକ ଉପସ୍ଥିତ ନଥିଲେ। ତେଣୁ ବିଳମ୍ବ ନ କରି ନିଜେ ଆମ୍ବୁଲାନ୍ସ ଡ୍ରାଇଭର ନରେସ ସର୍ଦାର ଗାଁ କୁ ଯାଇ କାଉଡ଼ିରେ ଭାର କରି ଶୁକ୍ରୀଙ୍କୁ ଖଇରପୁଟ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରରେ ପହଞ୍ଚାଇଥିଲେ। ଶୁକ୍ରୀଙ୍କ ଅବସ୍ଥା ସଙ୍କଟାପନ୍ନ ଥିବାରୁ ଡାକ୍ତର ପରାମର୍ଶ କ୍ରମେ ପୁଣି ତାଙ୍କୁ ମାଥିଲି ମେଡିକାଲ ରେ ପହଞ୍ଚାଇଛନ୍ତି ନରେସ। ଏଭଳି ସେବା ମାନବୃତି ପାଇଁ ସବୁ ମହଲରେ ପ୍ରଶଂସା ସାଉଁଟୁଛନ୍ତି ଆମ୍ବୁଲାନ୍ସ ଡ୍ରାଇଭର ନରେଶ ସରଦାର।
Comments are closed.