ନୂଆଦିଲ୍ଲୀ – ଯାତ୍ରୀମାନେ ଟ୍ରେନ୍ରେ ଯାତ୍ରା କରିବା ସମୟରେ ଅନେକ ଜିନିଷ ନେଇ ପାରିବେ ନାହିଁ ବୋଲି କଟକଣା ରହିଛି । ଅନେକ ଜଳନଶୀଳ ବସ୍ତୁକୁ ଟ୍ରେନରେ ଯାତ୍ରା ସମୟରେ ନେବା ପାଇଁ ବାରଣ କରାଯାଇଛି । ଭାରତୀୟ ରେଳ ୧୩ ହଜାରରୁ ଅଧିକ ଟ୍ରେନର ସଞ୍ଚାଳନ କରୁଛି । ଏହା ଭାରତୀୟମାନଙ୍କ ପାଇଁ ଏକ ମୁଖ୍ୟ ପରିବହନ ସାଧନ । ପ୍ରତିଦନି କୋଟି କୋଟି ଲୋକ ରେଳରେ ଯାତ୍ରା କରନ୍ତି । ରେଳରେ ସୁରକ୍ଷା ଏକ ମୁଖ୍ୟ ପ୍ରସଙ୍ଗ । ଏଥିପାଇଁ ଯାତ୍ରା ସମୟରେ କେତେକ ଜିନିଷ ନେବାକୁ ବାରଣ କରାଯାଇଛି । ରେଳରେ ଯାତ୍ରା କରିବା ସମୟରେ ଏହି ଜିନିଷ ନେଉଥିଲେ ଆପଣ ସାବଧାନ ହୋଇଯାଆନ୍ତୁ ।
ରେଳରେ ଯାତ୍ରା କରିବା ସମୟରେ ଷ୍ଟୋଭ୍ , ଗ୍ୟାସ ସିଲିଣ୍ଡର, କୌଣସି ପ୍ରକାରର ଜଳନଶୀଳ ରାସାୟନିକ ଦ୍ରବ୍ୟ, କୌଣସି ଜୀବ ଜନ୍ତୁଙ୍କର ଚମଡା, ପ୍ୟାକେଜ୍ରେ ତେଲ ଏବଂ ଅନ୍ୟକୁ କ୍ଷତି କରୁଥିବା ବସ୍ତୁ ନେଇ ପାରିବେ ନାହିଁ ।ରେଳ ନିୟମ ଅନୁସାରେ ୨୦ କିଲୋ ପର୍ଯ୍ୟନ୍ତ ଘିଅ ନେଇପାରିବେ । ମାତ୍ର ଘିଅ ଟିଣ ଡବାରେ ଭଲ ଭାବରେ ବନ୍ଦ ହେବା ଦରକାର ।
ଏହାର ଉଲ୍ଲଘଂନ କଲେ ଯାତ୍ରୀମାନଙ୍କୁ ଜୋରିମାନା ଦେବାକୁ ପଡିବ । ଏହାକୁ ରେଳ ପୋଲିସ୍ ଜବତ କରିବେ ବୋଲି ନିୟମ ରହିଛି ।
