ପଞ୍ଜାବ- ବଜାର ମଝିରେ ପତ୍ନୀକୁ ହାଣି ହତ୍ୟା କଲା ପତି, ଢେଲାମାଡ କଲେ ଲୋକ: ଭିଡିଓ

ଚଣ୍ଡୀଗଡ- ପଞ୍ଜାବର ସାଙ୍ଗୁର ଜିଲ୍ଲାରେ ପତ୍ନୀକୁ ବଜାର ମଧ୍ୟରେ ଧାରୁଆ ଅସ୍ତ୍ରରେ ହାଣି ହତ୍ୟା କଲା ପତି । ପତି ଓ ପତ୍ନୀ ମଧ୍ୟରେ ଆଗରୁ ବିବାଦ ଥିଲା । ଦୁଇ ଜଣ ବିବାହ ବିଚ୍ଛେଦ ପାଇଁ ଆବେଦନ କରିଥିଲେ । ବଜାରରେ ପତ୍ନୀକୁ ଦେଖି ଏକ ଧାରୁଆ ଅସ୍ତ୍ରରେ ହତ୍ୟାକାରୀ ପତି ଆକ୍ରମଣ କରିଥିଲା । ଘଟଣାସ୍ଥଳରେ ମହିଳାଙ୍କର ମୃତ୍ୟୁ ହୋଇଥିଲା ।

A man attacked his wife with an sharp edge weapon in broad daylight at market area of Sunam, #Sangrur. Later the accused also attempted suicide. pic.twitter.com/qi5UdiNy2y

— Nikhil Choudhary (@NikhilCh_) August 7, 2023

ଏହା ଦେଖି ସେଠାରେ ଥିବା ଲୋକମାନେ ପତିକୁ ଢେଲା ସହ ପାଣି ବାଲ୍ଟି ମାଡ କରିଥିଲେ । ଏଥିରେ ଉତ୍ୟକ୍ତ ହୋଇ ହତ୍ୟାକାରୀ ସେମାନଙ୍କୁ ଆକ୍ରମଣ କରିବାକୁ ଗୋଡାଇଥିଲା ।

ପରେ ସେ ବିଷ ପିଇ ଆତ୍ମହତ୍ୟା କରିବା ପାଇଁ ଉଦ୍ୟମ କରିଥିଲା । ପୁଲିସ ଘଟଣାସ୍ଥଳରେ ପହଞ୍ଚି ହତ୍ୟାକାରୀକୁ ଉଦ୍ଧାର କରିବା ସହ ଡାକ୍ତରଖାନାରେ ଭର୍ତ୍ତି କରିଥିଲା । ସେଠାରେ ସେ ସୁସ୍ଥ ଥିବା ସୂଚନା ମିଳିଛି ।