କେନ୍ଦୁଝରଗଡ଼: ନିକଟରେ ରାଜ୍ୟ ସରକାର ବନ ବିଭାଗ କର୍ମଚାରୀଙ୍କୁ ବନ୍ଧୁକ ବ୍ୟବହାର ନିମନ୍ତେ ଆଦେଶ ପ୍ରଦାନ ପରେ ବନ ବିଭାଗ ପକ୍ଷରୁ ଏନେଇ ତତ୍ପରତା ପ୍ରକାଶ ପାଇଛି। କେନ୍ଦୁଝର ବନଖଣ୍ଡ ଅଧିକାରୀ ଧନରାଜ ଏଚ୍.ଡି.ଙ୍କ ନିର୍ଦ୍ଦେଶକ୍ରମେ ମଙ୍ଗଳବାର କେନ୍ଦୁଝର ଷ୍ଟାଡିୟମଠାରେ କେନ୍ଦୁଝର ସଦର, ଭୂୟାଁ ଜୁଆଙ୍ଗ ପୀଢ଼ ଓ ବଡବିଲ ବନାଞ୍ଚଳର ଅଧିକାରୀ, ବନପାଳ ଓ ବନରକ୍ଷୀଙ୍କୁ ମିଶାଇ ମୋଟ ୩୫ଜଣ ବନ କର୍ମଚାରୀଙ୍କୁ ବନ୍ଧୁକ ଚାଳନା ଓ ସୁରକ୍ଷା ସମ୍ପର୍କିିତ ତାଲିମ ପ୍ରଦାନ କରାଯାଇଛି। ଜିଲା ପୁଲିସ ବିଭାଗର ଆର୍ମୋର ହାବିଲଦାର ଆସୁସ୍ଥ କୁମାର ନାଏକ ପ୍ରଶିକ୍ଷଣରେ ସାମିଲ ୩୫ଜଣ ବନ କର୍ମଚାରୀଙ୍କୁ କିଭଳି ବନ୍ଧୁକ ଚାଳନା କରାଯିବ ଏବଂ ବନ୍ଧୁକର ସୁରକ୍ଷା ଓ ବ୍ୟବହାର ସମ୍ପର୍କିିତ ତାଲିମ ପ୍ରଦାନ କରିଥିଲେ। କେନ୍ଦୁଝର ଏବଂ ଭୂୟାଁ ଜୁଆଙ୍ଗ ପୀଢ଼ ବନାଞ୍ଚଳ ଅଧିକାରୀ ବିଜୟ କୁମାର ମହାନ୍ତ ଓ ବଡବିଲ ବନାଞ୍ଚଳ ଅଧିକାରୀ ରଞ୍ଜନ କାଲୋଙ୍କ ନେତୃତ୍ୱରେ ବନପାଳ ଓ ବନରକ୍ଷୀ ତାଲିମ ଗ୍ରହଣ କରିଥିବା ବେଳେ ଆଗକୁ ପର୍ଯ୍ୟାୟକ୍ରମେ ଜିଲାର ସମସ୍ତ ବନ କର୍ମଚାରୀଙ୍କୁ ଏହି ତାଲିମ ପ୍ରଦାନ କରାଯିବ ବୋଲି ଡିଏଫଓ ଧନରାଜ ଏଚ୍.ଡି କହିଛନ୍ତି।
Popular Categories
Previous article
Next article