ଗୋପାଳପୁର : ଗୋଳାବନ୍ଧ ଆର୍ମି ଏଡି କଲେଜ କ୍ୟାମ୍ପସ ପରିସରରେ ଚାକିରୀ ଦେବା ନାଁରେ ଠକେଇ ଅଭିଯୋଗରେ ଗୋପାଳପୁର ପୁଲିସ ଜଣକୁ ଗିରଫ କରିଛି। ଅଭିଯୁକ୍ତ ଜଣଙ୍କ ହେଲେ ଧରାକୋଟ ଥାନା ଅଧୀନ ନନ୍ଦିଘୋର ଗ୍ରାମର ସନ୍ତୋଷ କୁମାର ସେଠୀ ବୋଲି ପୁଲିସ ସୂଚନା ଦେଇଛି।
ସୂଚନା ପ୍ରକାରେ ଅଭିଯୁକ୍ତ ସନ୍ତୋଷ ଗତ ଜାନୁଆରୀ ମାସରେ ଆର୍ମିରେ ଚାକିରୀ କରାଇଦେବା ନେଇ ଅନିତା ସ୍ୱାଇଙ୍କ ଠାରୁ ୧୧ ହଜାର ୫୦୦ ଶହ ଟଙ୍କା ନେଇ ଥିଲେ । କିଛି ଦିନ ପରେ କ୍ୟାମ୍ପସ ପରିସରକୁ ନେଇ ଅନିତାକୁ ବୁଲାଇ ଆଣି ପରେ ନିଯୁକ୍ତି ପତ୍ର ଦେବି କହି ଡାକି ଥିଲା । ଅନିତା ଏବଂ ତାଙ୍କ ସାଙ୍ଗର ଭାଇ ଗୌରୀ ଶଙ୍କର ସେଠୀ ମିଶି ଆର୍ମି ମୁଖ୍ୟ ଫାଟକ ନିକଟକୁ ଯାଇଥିଲେ। ସେଠାରୁ ସନ୍ତୋଷ ଗୌରୀଙ୍କ ବାଇକ ନେଇ ଭିତରକୁ ଚାଲିଯାଇଥିଲେ । ଦୀର୍ଘ ସମୟ ପର୍ଯ୍ୟନ୍ତ ଅପେକ୍ଷା କରି ଫେରି ନଥିବାରୁ ଗୌରୀ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପ୍ରକାରେ ପୁଲିସ କେସ ନମ୍ବର ୨୯/୨୩ ମାମଲା ରୁଜୁ କରି ତଦନ୍ତ କରୁଥିବା ବେଳେ କୌଣସି ସୂତ୍ରରୁ ଖବର ପାଇଁ ସନ୍ତୋଷକୁ କାବୁ କରି କୋର୍ଟ ଚାଲାଣ କରିଥିବା ପୁଲିସ କହିଛି।
Comments are closed.