ରେଙ୍ଗାଲକ୍ୟାମ୍ପ: ଅତାବିରା ଜାତୀୟ ରାଜପଥ ଦେଇ ଲମ୍ବିଯାଇଛି ଚରିଥାକିଆ ୫୩ ନଂ ଜାତୀୟ ରାଜପଥ। ଏହି ରାଜପଥ କଡ଼ରେ ରହିଛି ଅତାବିରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର। ଯେଉଁଠି ଅଞ୍ଚଳର ଅନେକ ରୋଗୀ ପ୍ରତ୍ୟହ ଏଠାକୁ ଆସୁଛନ୍ତି ଚିକିତ୍ସା ପାଇଁ। ସେଇ ରୋଗୀ ମାନଙ୍କ ମଧ୍ୟରେ କିଛି ଲୋକ ଶିକ୍ଷିତ ଥିବା ବେଳେ କିଛି ଅଶିକ୍ଷିତ ମଧ୍ୟ। ଅନେକ ଲୋକ ନୂତନ ଭାବରେ ମଧ୍ୟ ଆସିଥାନ୍ତି ପ୍ରଥମ ଥର ପାଇଁ, ଯେଉଁ ମାନଙ୍କ ପାଇଁ ସ୍ବାସ୍ଥ୍ୟ କେନ୍ଦ୍ରଟି ସମ୍ପୂର୍ଣ୍ଣ ରୂପେ ଅଜଣା। କେଉଁଠି କି କାମ ହୁଏ ସେମାନେ ଜାଣି ନଥାନ୍ତି। ଅନେକ ଲୋକ ବୋର୍ଡ ରେ ଲେଖାଥିବା ସୂଚନାକୁ ପଢି ଜାଣିଥାନ୍ତି। କିନ୍ତୁ କିଛି ଦିନ ହେଲା ଏହି ସ୍ବାସ୍ଥ୍ୟ କେନ୍ଦ୍ରରେ ରହିଥିବା ରାସ୍ତା ଆଲୋକିକରଣ ବ୍ୟବସ୍ଥା ବନ୍ଦ ରହିଛି। ବତି ଗୁଡ଼ିକ ଜଳୁ ନାହିଁ। ଚାରିଆଡେ ଅନ୍ଧାରମୟ ହୋଇ ରହିଛି। ଫଳରେ ଲୋକେ ବହୁତ୍ ଅସୁବିଧା ପାାଉଛନ୍ତି। ଏହା ବ୍ୟତୀତ ଅନ୍ୟ ଛକ ମଧ୍ୟରୁ ବସ୍ ଷ୍ଟାଣ୍ଡ ଛକ ଏକ ଗୁରୁତ୍ୱପୂର୍ଣ୍ଣ ଛକ ଅଟେ। ଏହି ଛକ ଦେଇ ଶହ ଶହ ଛାତ୍ରଛାତ୍ରୀ, ରୋଗୀ ଶ୍ରଦ୍ଧାଳୁ ଓ ଯାତ୍ରୀ ରାସ୍ତା ଅତିକ୍ରମ କରି ପାଖରେ ଥିବା ଡାକ୍ତରଖାନା, ମନ୍ଦିର, ବ୍ୟାଙ୍କ, ତହସିଲ କାର୍ଯ୍ୟାଳୟକୁ ଯିବା ଆସିବା କରିଥାନ୍ତି। ହେଲେ ଏହି ଛକରେ ଥିବା ଷ୍ଟ୍ରିଟ ଲାଇଟଟି ଦୀର୍ଘ ଦିନ ହେଲା ଜଳୁନାହିଁ। ଏହା ସହିତ ଏହାର ଆଖପାଖ ଥିବା ଷ୍ଟ୍ରିଟ ଲାଇଟ ଗୁଡିକର ଗୋଟିଏ ପାର୍ଶ୍ଵର ବଳ ଅଦଳ ବଦଳ ହୋଇ ଜଳୁଛି। ଯାହା ଫଳରେ ଛକଟି ଅନ୍ଧାର ହୋଇ ରହୁଛି ଓ ସାଧାରଣ ଜନତା ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ତେଣୁ ଏହାର ରକ୍ଷଣାବେକ୍ଷଣ ଦାୟିତ୍ୱରେ ସଂସ୍ଥା ତୁରନ୍ତ ଦୃଷ୍ଟି ଦେଇ ପଦକ୍ଷେପ ନେବାକୁ ଦାବି ହେଉଛି।
Popular Categories
Previous article
Next article