ରାଜଧାନୀରେ ଚାଞ୍ଚଲ୍ୟ: ମୁମ୍ବଇରେ ପ୍ରେମ, ଦିଲ୍ଲୀରେ ଲିଭ୍ଇନ୍, ଆଉ ତା’ପରେ ୩୫ ଖଣ୍ଡ..
ନୂଆଦିଲ୍ଲୀ : ରାଜଧାନୀ ଦିଲ୍ଲୀରୁ ଏକ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି । ପ୍ରେମିକାକୁ ହତ୍ୟା ପରେ ମୃତଦେହକୁ ଖଣ୍ଡଖଣ୍ଡ କରି ଫ୍ରିଜରେ ରଖିବା ପରେ ଦୀର୍ଘ ୧୮ ଦିନ ଯାଏଁ ମୃତଦେହକୁ ନେଇ ବାହାରେ ପକାଇଥିଲା ପ୍ରେମିକ । ଦୀର୍ଘ ୬ ମାସ ତଳର ଏହି ଘଟଣା ହୋଇଥିବା ବେଳେ ମହରୋଲୀ ଥାନାର ପୁଲିସକୁ ମିଳିଛି ସଫଳତା । ଜଣେ ପ୍ରେମୀ ନିଜ ପ୍ରେମିକାକୁ ହତ୍ୟା ପରେ ମୃତଦେହକୁ ଖଣ୍ଡ ଖଣ୍ଡ କରି ଫ୍ରିଜରେ ରଖିଥିଲା । ମେ ୧୮ର ଏହି ଘଟଣା । ପୁଲିସ ଉକ୍ତ ଅଭିଯୁକ୍ତକୁ ଗିରଫ କରିଛି । ଅଭିଯୁକ୍ତର ନାମ ଆଫତାବ୍ ବୋଲି ଜଣାପଡିଛି । ଯୁବତୀଙ୍କ ନାମ ଶ୍ରଦ୍ଧା ବୋଲି ଜଣାପଡିଛି ।
ସୂଚନାନୁଯାୟୀ, ଆଫତାବ୍ ଓ ଶ୍ରଦ୍ଧାଙ୍କ ବନ୍ଧୁତ୍ୱ ଦିଲ୍ଲୀରୁ ଆରମ୍ଭ ହୋଇଥିଲା । ଉଭୟ ଏକ କଲ୍ ସେଣ୍ଟରେ କାମ କରୁଥିବା ସମୟରେ ପରସ୍ପର ଜଣାଶୁଣା ହୋଇଥିଲେ । ପରିବାର ବିବାହ ପାଇଁ ରାଜି ନହେବାରୁ ଉଭୟ ଦିଲ୍ଲୀରେ ରହିବାକୁ ଆରମ୍ଭ କରିଥିଲେ । ଯୁବତୀଙ୍କ ପରିବାର ଯୁବତୀଙ୍କ ବିଷୟରେ ବିଭିନ୍ନ ସୋସିଆଲ୍ ମିଡିଆରୁ ଖବର ନେଉଥିଲେ । ମାତ୍ର ସୋସିଆଲ୍ ମିଡିଆରୁ ଖବର ମିଳିବା ବନ୍ଦ ହେବା ପରେ ଯୁବତୀଙ୍କ ପିତା ଦିଲ୍ଲୀ ଯାଇଥିଲେ । ସେଠାରେ ଝିଅ ବିଷୟରେ କୌଣସି ଖବର ନମିଳିବାରୁ ସେ ଦିଲ୍ଲୀ ପୁଲିସ ନିକଟରେ ଏନେଇ ଅଭିଯୋଗ କରିଥିଲେ । ଯୁବତୀଙ୍କ ବାପାଙ୍କ ଅଭିଯୋଗନୁଯାୟୀ, ତାଙ୍କ ଝିଅ ମୁମ୍ବଇର ଏକ କଲ୍ ସେଣ୍ଟରରେ କାମ କରୁଥିଲେ । ସେଠାରେ ଉକ୍ତ ଯୁବକଙ୍କ ସହ ଦେଖା ହେବା ପରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ମାତ୍ର ପରିବାର ଏଥିରେ ଅରାଜି ହେବାରୁ ଉଭୟ ଘର ଛାଡି ଦିଲ୍ଲୀ ଆସି ଲିଭ୍ ଇନ୍ ରେ ଛତରପୁରରେ ରହିବାକୁ ଆରମ୍ଭ କରିଥିଲେ । ଅଭିଯୋଗ ପରେ ପୁଲିସ ଉକ୍ତ ଯୁବକକୁ ଖୋଜିବାକୁ ଆରମ୍ଭ କରିଥିଲା । ବହୁ ଖୋଜାଖୋଜି ପରେ ଅଫତାବ୍କୁ ପୁଲିସ ଗିରଫ କରିଥିଲା । ପୁଲିସ ପଚରାଉଚରା କରିବାରୁ ଅଭିଯୁକ୍ତ ସମ୍ପୂର୍ଣ୍ଣ ଘଟଣା କହିଥିଲା । ଯୁବତୀ ଜଣଙ୍କ ବିବାହ ପାଇଁ ତାଙ୍କ ଉପରେ ଚାପ ପକାଉଥିବାରୁ ଏହାକୁ ନେଇ ଉଭୟଙ୍କ ମଧ୍ୟରେ ଅନେକ ସମୟରେ ଝଗଡା ହେଉଥିଲା । ଏହାପରେ ଅଭିଯୁକ୍ତ ଜଣକ ନିର୍ମମ ଭାବେ ଯୁବତୀଙ୍କ ହତ୍ୟା କରି ମୃତଦେହକୁ ଖଣ୍ଡ ଖଣ୍ଡ କରିଥିଲା । ପୁଲିସ କହିବାନୁଯାୟୀ, ଯୁବକ ଜଣକ ନିଜ ପ୍ରେମିକାର ତଣ୍ଟି ଚିପି ହତ୍ୟା କରିବା ପରେ ମୃତଦେହକୁ ୩୫ ଖଣ୍ଡ କରି ଏକ ନୂଆ ଫ୍ରିଜ କିଣି ସେଥିରେ ରଖିଥିଲା । ପ୍ରାୟ ୧୮ ଦିନ ଯାଏଁ ରାତି ୨ଟା ସମୟରେ ମୃତଦେହର ଖଣ୍ଡ ଅଂଶକୁ ଗୋଟିଏ ଗୋଟିଏ କରି ପ୍ଲାଷ୍ଟିକ ବ୍ୟାଗ୍ ରେ ଭର୍ତ୍ତି କରି ନେଇ ଫିଙ୍ଗୁଥିଲା । ଘଟଣାର ତଦନ୍ତ ଜାରି ରହିଛି ।
Comments are closed.