ନୂଆଦିଲ୍ଲୀ : ଅରୁଣାଞ୍ଚଳ ପ୍ରଦେଶରେ ଗୁରୁବାର ସକାଳେ ଭୂକମ୍ପ ଝଟକା ଅନୁଭବ ହୋଇଛି । ରିକ୍ଟର ସ୍କେଲରେ ଏହାର ତିବ୍ରତା ୫.୭ ରେକର୍ଡ କରାଯାଇଛି । ଏହି ଝଟକା ପଶ୍ଚିମ ସିଆଙ୍ଗ୍ ଜିଲାରେ ଅନୁଭବ ହୋଇଛି । ଏନସିଏସ ସୂଚନା ଅନୁଯାୟୀ, ଭୂକମ୍ପର କେନ୍ଦ୍ର ଅରୁଣାଞ୍ଚଳ ପ୍ରଦେଶର ବାସରରୁ ୫୨ କିଲୋମିଟର ଉତ୍ତର-ଉତ୍ତରପଶ୍ଚିମ ଥିଲା । ଏଥିରେ କୌଣସି ଧନଜୀବନ ହାନୀ ହୋଇନଥିବା ନେଇ ସୂଚନା ମିଳିଛି ।
ସେହିପରି ଶିବସାଗର ସହିତ ଆସାମର କେତେକ ସ୍ଥାନରେ ଗୁରୁବାର ପ୍ରାୟ ୧୦ଟା୩୦ରେ ଭୂକମ୍ପ ଝଟକା ଅନୁଭବ ହୋଇଛି । ରିକ୍ଟର ସ୍କେଲରେ ଭୂକମ୍ପର ତିବ୍ରତା ୫.୬ ରେକର୍ଡ କରାଯାଇଛି । ଏଥିରେ କୌଣସି ଧନଜୀବନହାନୀ ହୋଇନଥିବା ନେଇ ଖବର ମିଳିଛି । ସୂଚନାନୁଯାୟୀ, ଭୂକମ୍ପର ତିବ୍ରତା ହାଲକା ଥିବା ବେଳେ ଆସାର କେତେକ ଜିଲାରେ ଭୂକମ୍ପ ଅନୁଭବ ହୋଇଛି ।
ସେହିପରି ଆଣ୍ଡାମାନ ନିକୋବରରେ ବିଳମ୍ବିତ ରାତିରେ ଭୂକମ୍ପ ଝଟକା ଅନୁଭବ ହୋଇଛି । ଏନସିଏସ ସୂଚନା ଅନୁଯାୟୀ, ଭୂକମ୍ପର ପ୍ରାୟ ୨ଟା ୨୯ରେ ଅନୁଭବ ହୋଇଛି । ରିକ୍ଟର ସ୍କେଲରେ ତିବ୍ରତା ୪.୩ ରେକର୍ଡ କରାଯାଇଛି । ଏଥିରେ ଧନଜୀବନ ହାନୀ ହୋଇନାହିଁ ବୋଲି ସୂଚନା ମିଳିଛି ।
Comments are closed.