କଣ୍ଟାବାଞ୍ଜି : ବଲାଙ୍ଗୀର ଜିଲ୍ଲା ତୁରେକେଲା ଥାନା ଅନ୍ତର୍ଗତ ହଳନଭଟା ଗ୍ରାମରେ ଜଣେ ନାବାଳିକାଙ୍କୁ ଗୁରଜୀଭଟା ଗାଁର ଜନୈକ ନାବାଳକ ଅପହରଣ କରିଥିବା ଝିଅର ବାପା ତୁରେକେଲା ଥାନାରେ ଗତ ୭ତାରିଖ ଦିନ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ତୁରେକେଲା ଥାନାରେ ଏକ କେଶ ନଂ ୧୮୩/୭/୧୦ରେ ମାମଲା ରୁଜୁ କରାଯାଇ ଏସ. ଆଇ ଦୀପକ ଡୁଙ୍ଗ ଡୁଙ୍ଗ ତଦନ୍ତ ଆରମ୍ଭ କରିଥିଲେ।
ପ୍ରାପ୍ତ ସୂଚନା ଅନୁଯାୟୀ, ହଳନଭଟା ଗ୍ରାମର ୧୬ ବର୍ଷୀୟା ନାବାଳିକାଙ୍କୁ ଗୁରଜିଭଟା ଗ୍ରାମର ୧୭ବର୍ଷୀୟ ନାବାଳକ ପୁଅ ଅପହରଣ କରି ଛତିଶଗଡ ବାଗବେହେରା ଥାନା ଫୁଲ ବାରିପାରା ଗ୍ରାମକୁ ନେଇଥିଲା । ଏସ.ଆଇ ଡୁଙ୍ଗ ଡୁଙ୍ଗ ମାମଲାର ତଦନ୍ତ କରି ନିଖୋଜ ଥିବା ନାବାଳିକାଙ୍କୁ ଗତ ୮ ତାରିଖ ସକାଳେ ଛତିଶଗଡର ବାଗ ବାହାରା ଥାନା ବାରିପାରା ଗ୍ରାମରୁ ଉଦ୍ଧାର କରିବା ପରେ ତୁରେକେଲା ଅଣାଯାଇ ଉଭୟଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା । ପୀଡିତାଙ୍କୁ ମାନ୍ୟବର ବିଚାର ବିଭାଗୀୟ ମାଜିଷ୍ଟ୍ରେଟଙ୍କ କୋର୍ଟ କଣ୍ଟାବାଞ୍ଜିରେ ହାଜର କରାଇ ତାଙ୍କ ବୟାନ ରେକର୍ଡ଼ କରାଯାଇଥିଲା । ତାଙ୍କ ବୟାନ ଆଧାରରେ ସାମିଲ ଥିବା ଗୁର୍ଜିଭଟା ଗ୍ରାମର ନାବାଳକକୁ ଅଟକ ରଖାଯାଇଥିଲା ଓ ତାଙ୍କୁ ମାନ୍ୟବର ପିଏମଜେଜେବିଙ୍କ କୋର୍ଟ ବଲାଙ୍ଗିରରେ ହଜାର କରାଗଲା । ମାନ୍ୟବର ଅଦାଲତ ଅଭିଯୁକ୍ତକୁ ରାଉରକେଲା ସ୍ଥିତ ସୁଧାର ଗୃହକୁ ପଠାଇ ଦେଇଥିଵା ଥାନା ଅଧିକାରୀଙ୍କ ସୂତ୍ରରୁ ପ୍ରକାଶ ।
Comments are closed.