ରେଙ୍ଗାଲି : ସମ୍ବଲପୁର ଜିଲ୍ଲା ରେଙ୍ଗାଲି ବ୍ଲକର ଠେଲକୋଲୋଇ ଗ୍ରାମରେ ଗତ ୯ତାରିଖ ରୁ ଆରମ୍ଭ ହୋଇ ଥିବା ଗଜଲକ୍ଷ୍ମୀ ପୂଜା ଗତକାଲି ସନ୍ଧ୍ୟାରେ ଉଦଯାପିତ ହୋଇ ଯାଇଛି। ଠେଲକୋଲୋଇରେ ଚଳିତ ବର୍ଷ ପ୍ରଥମ ଥର ପାଇଁ ଗଜଲକ୍ଷ୍ମୀ ପୂଜା ଆରମ୍ଭ ହୋଇଛି। ଏହି ଅବସରରେ ଶ୍ରଦ୍ଧାଳୁଙ୍କ ଦ୍ବାରା କଳସ ଯାତ୍ରା ଅନୁଷ୍ଠିତ ହୋଇ ଗ୍ରାମ୍ୟ ପୁଷ୍କରିଣୀରୁ ପବିତ୍ର ଜଳ ଆଣି ମଣ୍ଡପରେ ସ୍ଥାପନ କରାଯାଇଥିଲା।
ଏହାପରେ ଦେବୀଙ୍କ ପ୍ରାଣ ପ୍ରତିଷ୍ଠା କରି ହୋମ ଓ ପୂଜା କର୍ମ ସମ୍ପନ୍ନ କରାଯାଇ କରି ସନ୍ଧ୍ୟା ଆରତୀ ପରେ ପୂର୍ଣ୍ଣାହୁତି ପ୍ରଦାନ କରାଯାଇଥିଲା। ପୂଜା ମଣ୍ଡପରେ ମା ଗଜଲକ୍ଷ୍ମୀଙ୍କ ପାଖରେ ଶ୍ରଦ୍ଧାଳୁଙ୍କ ଦ୍ଵାରା ପ୍ରସ୍ତୁତ ଛପନ ପ୍ରକାରର ଭୋଗ ଅର୍ପଣ କରାଯାଇଥିଲା। ସନ୍ଧ୍ୟାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସହ ମାଙ୍କ ଭସାଣି ଶୋଭାଯାତ୍ରା କରାଯାଇଥିଲା।
Comments are closed.