ଗୁରୁଡିଝାଟିଆ : ପୂଣ୍ୟାତ୍ମା ଉତ୍କଳମଣି ସେବା ତିତିକ୍ଷା ଓ ନିସ୍ୱାର୍ଥପର କର୍ମଯୋଗୀ ଥିଲେ। ଅଭାବୀ ମଣିଷ ପାଇଁ ତାଙ୍କ ହୃଦୟ କାନ୍ଦି ଉଠୁଥିଲା । ନିଜେ ନଖାଇ ଅନ୍ୟ ପେଟର ଭୋକକୁ ବୁଝିପାରୁଥିଲେ। ସେଥିପାଇଁ ସରକାରଙ୍କ ଗଣ୍ଡାଗଣ୍ଡା ଯୋଜନା ଥିଲେ ମଧ୍ୟ ବଢି ମରୁଡି ଓ ପ୍ରାକୃତିକ ବିପର୍ଯ୍ୟୟ ଆସିଲେ ଓଡିଆଙ୍କ ହୃଦୟକୁ ଭାସି ଆସନ୍ତି ପଣ୍ଡିତ ଗୋପବନ୍ଧୁ ଦାସ । ସମାଜ ଖବର କାଗଜ ମାଧ୍ୟମରେ ପରାଧିନ ଉତ୍କଳର ଦୁସ୍ଥିତି ଓ ଅଭାବ ଅନାଟନ ଇଂରେଜ ସରକାରଙ୍କ ନିକଟରେ ପହଞ୍ଚାଇବା ସହ ଦେଶପ୍ରୀତିର ବହ୍ନି ପ୍ରଜ୍ୱଳିତ କରୁଥିଲେ ବୋଲି କୁମାରପୁର ଓ ପଦାଗାଁ ଠାରେ ଥିବା ମୋ ପାଠଶାଳା ପକ୍ଷରୁ ଆୟୋଜିତ ଗୋପବନ୍ଧୁ ଜୟନ୍ତୀରେ ବରିଷ୍ଠ ଶିକ୍ଷକ ସରୋଜ କୁମାର ସାହୁ ମୁଖ୍ୟ ଅତିଥି ଭାବରେ ଯୋଗଦେଇ ଏହି ମତପ୍ରକାଶ କରିବା ସହ ବିଦ୍ୟାର୍ଥୀମାନେ ସ୍ୱାର୍ଥ ତ୍ୟାଗ କରି ଦେଶ ଗଠନରେ ନିଜକୁ ନିୟୋଜିତ କରିବା ପାଇଁ କହିଥିଲେ। ମୋ ପାଠଶାଳାର ଶିକ୍ଷକ ବଳରାମ ମାଝି, ସୌଭାଗ୍ୟ ମିଶ୍ର, ସସ୍ମୀତା ସ୍ୱାଇଁ, ସସ୍ମୀତା ନାୟକ, କାହ୍ନୁଚରଣ ନାୟକ, ପ୍ରତାପ କୁମାର ରାଉତ, ଶିବରାମ ରାଉତ ଓ ନିରଞ୍ଜନ ବେହେରା ପ୍ରମୁଖ ଉତ୍କଳମଣିଙ୍କ ତ୍ୟାଗପୂତ୍ତ ଜୀବନାଦର୍ଶ ସଂପର୍କରେ ଆଲୋକପାତ କରିଥିଲେ।
Popular Categories
Previous article
Next article