ରେଙ୍ଗାଲି: ଲପଙ୍ଗା ସ୍ଥିତ ଆଦିତ୍ୟ ଆଲୁମିନିୟମ କମ୍ପାନୀ ପକ୍ଷରୁ ରେଙ୍ଗାଲି ସ୍ଥିତ ପଣ୍ଡା କମ୍ପ୍ଲେକ୍ସରେ ଚକ୍ଷୁ ପରୀକ୍ଷା ଶିବିର ଅନୁଷ୍ଠିତ ହୋଇଥିଲା। ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ରେଙ୍ଗାଲି ବ୍ଲକ ଅଧ୍ୟକ୍ଷ ସତ୍ୟନାରାୟଣ ଅଗ୍ରୱାଲ, ଅତିରିକ୍ତ ଗୋଷ୍ଠି ଶିକ୍ଷା ଅଧିକାରୀ ମହେନ୍ଦ୍ର ବାଘ ଓ ସିଏସଆର ମୁଖ୍ୟ ଶ୍ଵେତା ଉପାଧ୍ୟାୟ ମୁଖ୍ୟ ଅତିଥି ରୂପେ ଯୋଗଦାନ କରି ଶିବିର ଉଦଘାଟନ କରିଥିଲେ। କାର୍ଯ୍ୟକ୍ରମରେ ସ୍ନେହାରାଣୀ ପାତ୍ର ଓ ଗୋପାଳ ପଣ୍ଡା ସମ୍ମାନିତ ଅତିଥି ରୂପେ ଯୋଗଦାନ କରିଥିଲେ। ଏହି ସଭାରେ ସମସ୍ତ ପଂଚାୟତରୁ ଚିହ୍ନଟ ହୋଇଥିବା ୩୬ ଜଣ ମୋତିଆବିନ୍ଧୁ ରୋଗୀଙ୍କୁ ଜମାଦାରପାଲିକୁ ପଠାଯାଇଥିଲା। ଏହା ପୂର୍ବରୁ ୧୨ ଜଣ ରୋଗୀଙ୍କୁ ମଧ୍ୟ ଉପଚାର ପାଇଁ ପଠାଯାଇଥିଲା। ସଭାରେ ମୁଖ୍ୟ ଅତିଥିମାନେ ଉଦବୋଧନ ଦେଇ ଆଗାମୀ ଦିନରେ ଏହି କାର୍ଯ୍ୟକ୍ରମକୁ କିପରି ବ୍ଲକର ସମସ୍ତ କୋଣ ଅନୁକୋଣରେ ପହଞ୍ଚାଇ ହେବ ସେ ବିଷୟରେ ଆଲୋଚନା କରିଥିଲେ। ଆସିଥିବା ସମସ୍ତ ମୋତିଆବିନ୍ଦୁ ରୋଗୀଙ୍କୁ ଆଦିତ୍ୟ ଆଲୁମିନିୟମ ତରଫରୁ ଛତା ଉପହାର ସ୍ୱରୂପ ପ୍ରଦାନ କରାଯାଇ ଥିଲା। ଏହି କାର୍ଯ୍ୟକ୍ରମ ମନୋରଞ୍ଜନ ବେହରାଙ୍କ ତତ୍ତ୍ୱାବଧାନରେ ଅନୁଷ୍ଠିତ ହୋଇଥିଲା। ଭିଜନ ସେଣ୍ଟରର କର୍ମକର୍ତ୍ତା ସହଯୋଗ କରିଥିଲେ।
Popular Categories
Previous article
Next article