ପୁରୀ: ନାଁ ତାର ଶ୍ରୀକ୍ଷେତ୍ର । ଆଉ ସେହି ଶ୍ରୀକ୍ଷେତ୍ରର ଏ ହେଉଛନ୍ତି ରିକ୍ସାବାଲା । ଯେତିକି ପ୍ରାପ୍ୟ ସେତିକି ନେବେ । ଆଉ ଯାହା ତାଙ୍କର ନୁହେଁ.. ତାହା ଫେରାଇ ଦେବେ । ଆଜ୍ଞା ହଁ ଦର୍ଶକ ବନ୍ଧୁ ଦେଖନ୍ତୁ ପୁରୀର ଏହି ରିକ୍ସାବାଲା ମୋଉଷାଙ୍କୁ । ତାଙ୍କ ରିକ୍ସାରେ ବସିଛନ୍ତି ଓଡ଼ିଶାର ସୁନାମଧନ୍ୟ ଭଜନ ଗାୟିକା ନମିତା ଅଗ୍ରଓ୍ୱାଲ । ଏହି ଭିଡିଓଟି ଚଳିତବର୍ଷ ରଥଯାତ୍ରା ସମୟର ।
ଭିଡିଓରେ ଦେଖିବାକୁ ମିଳୁଛି ଗାୟିକା ନମିତା ଅଗ୍ରଓ୍ୱାଲ ଏକ ରିକ୍ସାରେ ଶ୍ରୀକ୍ଷେତ୍ରରେ ପହଞ୍ଚିବା ପରେ ରିକ୍ସା ଚାଳକ ଜଣକଙ୍କୁ ତାଙ୍କ ପ୍ରାପ୍ୟ ୧୦୦ଟଙ୍କା ବଢ଼ାଇ ଦେଉଛନ୍ତି । ଆଉ ରିକ୍ସା ଚାଳକ ଜଣକ ୨୦ଟଙ୍କା ନମିତାଙ୍କୁ ଫେରାଉଛନ୍ତି । ଗାୟିକା ନମିତା ଟଙ୍କା ନନେଇ ଏଥିରେ ମିଠା ଖାଇବେ ବୋଲି ବୃଦ୍ଧ ରିକ୍ସା ଚଳକଙ୍କୁ କହୁଛନ୍ତି । ତାହା ସହ ତାଙ୍କ ଭଜନ ଚାଳକ ମଉଷାଙ୍କୁ ଭଲ ଲାଗେକି ନାଁ ପଚାରି ବୁଝୁଛନ୍ତି । ଯାହାର ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାର ଲାଗିଛି ।
