ଫୁଲବାଣୀ: ଗତ କିଛି ଦିନ ଧରି ଲାଗି ରହିଥିବା ଲଗାଣ ବର୍ଷାରେ ବର୍ଷା ସାରା କନ୍ଧମାଳ ତଥା ଫୁଲବାଣୀ ସହରସ୍ଥିତି ବେହାଲ ହୋଇଛି। ସହରର ବିଭିନ୍ନ ସାହି ଗଳି ତଥା ତଳି ଅଞ୍ଚଳ ବର୍ଷା ଜଳରେ ପୂର୍ଣ୍ଣ ହେଇ ବନ୍ୟାର ରୂପ ଧାରଣ କରିଛି। ପୂର୍ବରୁ ମାଟି ଅତଡା ଖସି ଘର କାନ୍ଥ ଭୁଷୁଡି ପରିବାରର ଦୁଇ ମୃତ ହେବା ଠାରୁ ଗତକାଲି ନାରାୟଣୀ ପାର୍କ ପାଚେରୀ ଭୁଷୁଡି ପଡିଛି। ସହରର ତ୍ରୀଦେବ ନଗର, ସଗଡିଆ ସାହି, ଡାକପାଲା ସାହି, କେନ୍ଦୁପଦରର ଶ୍ରୀକ୍ଷେତ୍ର ସାହି, ପ୍ରକୃତି ବିହାରରେ ଘରେ ପାଣି ପଶି ବହୁତ ଧନ ଜୀବନ ନଷ୍ଟ ହେବା ପରିସ୍ଥିତି ସୃଷ୍ଟି ହେଇଛି। ପିଲା ସାଲୁଙ୍କି ନଦୀ ଫୁଲି ଭୟାନକ ରୂପ ଧାରଣ କରି ଡାକପାଲା ଡାମିଗାଁରୁ ସହରକୁ ଯୋଡୁଥିବା ପୋଲ ଉପରେ ନଈବଢୀ ହେବା ଯୋଗୁଁ ଯୋଗାଯୋଗ ବିଚ୍ଛିନ୍ନ ହୋଇଛି। ପ୍ରକୃତି ବିହାରରେ ଗୋଟେ ଛୋଟ ବନ୍ୟା ହେଇଛି କହିଲେ ଅତ୍ୟୁକ୍ତି ହେବ ନାହିଁ। ବର୍ଷା ଜଳରେ ସାରା ସହର ଉବୁଟୁବୁ ହେଇ ସାଧାରଣ ଗରିବ ମାଟିକାନ୍ଥ ତଥା ଚାଳ ଛପର ଘରେ ବସବାସ କରୁଥିବା ଲୋକଙ୍କ ଚିନ୍ତାର କାରଣ ହୋଇଛି। ସହରର ବିଭିନ୍ନ ଅଞ୍ଚଳରେ ଅଘଟଣକୁ ଆଡେଇବା ପାଇଁ ପ୍ରଶାସନ ତତ୍ପର ହେବା ସଙ୍ଗେ ସଙ୍ଗେ ତୁରନ୍ତ ପଦକ୍ଷେପ ଗ୍ରହଣ କରିବା ଜରୁରୀ ହୋଇ ପଡ଼ିଛି।
Popular Categories
Previous article
Next article