ମାଲକାନଗିରି : ମାଲକାନଗିରି ଜିଲା ସଦର ମହକୁମାସ୍ଥିତ ସରକାରୀ ବିଜ୍ଞାନ ମହାବିଦ୍ୟାଳୟରେ ଓଡ଼ିଶା ମୁକ୍ତ ବିଶ୍ୱବିଦ୍ୟାଳୟର ନୂତନ ଭାବେ ଯୋଗ ଦେଇଥିବା ଛାତ୍ରଛାତ୍ରୀ ମାନଙ୍କୁ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଛି। ଏହି ସଭାରେ ମହାବିଦ୍ୟାଳୟର ଅଧ୍ୟକ୍ଷ ଡଃ ଚନ୍ଦନ ମିଶ୍ର ଅଧ୍ୟକ୍ଷତା କରିଥିବା ବେଳେ, ମୁଖ୍ୟ ବକ୍ତାଭାବେ ମାଲକାନଗିରି ମହାବିଦ୍ୟାଳୟର ଅଧ୍ୟାପକ ରଞ୍ଜନ କୁମାର ସ୍ୱାଇଁ, ମୁଖ୍ୟ ଅତିଥି ଭାବେ ବ୍ଲକ ଶିକ୍ଷା ଅଧିକାରୀ ହିମାଂଶୁ ଭୂଷଣ ସମରଥ ଆଦି ଯୋଗ ଦେଇଥିଲେ। ନୂତନ ଛାତ୍ରଛାତ୍ରୀ ମାନଙ୍କୁ ଶିକ୍ଷାର ମୂଲ୍ୟ ବିଷୟରେ ସମସ୍ତ ଅତିଥି ଭାଷଣ ଦେଇଥିଲେ। ଓଡ଼ିଆ, ବାଣିଜ୍ୟ ଓ ଇତିହାସ ବିଷୟରେ ହିଁ ଓଡ଼ିଶା ମୁକ୍ତ ବିଶ୍ୱବିଦ୍ୟାଳୟରେ ସ୍ନାତକୋତ୍ତ ଆରମ୍ଭ କରାଯାଇଛି। ଏହି କାର୍ଯ୍ୟକ୍ରମରେ ବିଶ୍ୱବିଦ୍ୟାଳୟର ନୂତନ ଛାତ୍ରଛାତ୍ରୀ ମାନଙ୍କୁ ପରିଚୟ ପତ୍ର ପ୍ରଦାନ କରାଯାଇଥିଲା। ଏହାବ୍ୟତୀତ ଏକାଡେମିକ୍ କାଉନସିଲର କିଶୋର କୁମାର ଦାସ, ଶ୍ରୀକାନ୍ତ ସାମଲ, ରତ୍ନେଶ ରଞ୍ଜନ ଆଦି ଉପସ୍ଥିତ ଥିଲେ। ରତ୍ନେଶ ରଞ୍ଜନ ସଭାରେ ଧନ୍ୟବାଦ ଅର୍ପଣ କରିଥିଲେ। ସମୀର କୁମାର ଡାକୁଆ ଓ ଲକ୍ଷ୍ମୀଧର ମାଟିଆ ସଭା ପରିଚାଳନା କରିଥିଲେ। ମାଲକାନଗିରି ଭଳି ଆଦିବାସୀ ଅଧ୍ୟୁଷିତ ଜିଲାରେ ଉଚ୍ଚ ଶିକ୍ଷାର ଆରମ୍ଭ ଶିକ୍ଷା ଦିଗରେ ଏକପାଦ ଆଗେଇଥିବା ଅନୁମାନ କରାଯାଉଛି।
Popular Categories
Previous article
Next article