ପାତ୍ରପୁର: ଦାଦନ ଖଟିବାକୁ ଯାଇଥିବା ଜଣେ ଦଳିତ ଯୁବକଙ୍କର କେରଳରେ ମୃତ୍ୟୁ ଘଟିଛି। ଯୁବକ ଜଣକ ପାତ୍ରପୁର ବ୍ଲକ ଦେସାରୀ ଗ୍ରାମର ସୀମାଞ୍ଚଳ ନାଇକ(କାଳୁ) ୨୮ ବୋଲି ଜଣାପଡ଼ିଛି । ୧୫ ଦିନ ତଳେ ଅଞ୍ଚଳର କିଛି ସାଙ୍ଗଙ୍କ ସହିତ କାମ କରିବାକୁ କେରଳ ଯାଇଥିଲେ। ତେବେ ଗତକାଲି ଭୋର ସମୟରେ ଏକ ଛାତରେ ବସିଥିବା ବେଳେ ହଠାତ ତଳକୁ ଖସି ପଡିଥିଲେ। ତୁରନ୍ତ ସାଙ୍ଗମାନେ ତାଙ୍କୁ ଚିକିତ୍ସା ପାଇଁ ନିକଟସ୍ଥ ଡାକ୍ତରଖାନାକୁ ନେଇଥିବା ବେଳେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ଆଜି ଶବ ବ୍ୟବଚ୍ଛେଦ ପରେ ନିଜ ଜନ୍ମମାଟି ଦେସାରୀ ଗ୍ରାମକୁ ଆଣିବା ପାଇଁ ବ୍ୟବସ୍ଥା ଚାଲିଛି। ସୀମାଞ୍ଚଳ ଗରିବ ପରିବାରର ହୋଇଥିବା ବେଳେ ତାଙ୍କର ବିଧବା ପତ୍ନୀ ଏବଂ ୪ବର୍ଷର କନ୍ୟା ସନ୍ତାନ ଅଛନ୍ତି । ତାଙ୍କ ମୃତ୍ୟୁରେ ପରିବାରବର୍ଗ ଭାଙ୍ଗି ପଡିଛନ୍ତି। ଯାହାକୁ ନେଇ ଗ୍ରାମରେ ଶୋକାକୂଳ ପରିସ୍ଥିତି ସୃଷ୍ଟି ହୋଇଥିବା ବେଳେ ସରକାରୀ ସହାୟତା ପ୍ରଦାନ ପାଇଁ ଦାବି ହେଉଛି।
Comments are closed.