ନୂଆଦିଲ୍ଲୀ: ଆଜି ବିବାହ କରିବାକୁ ଯାଉଛନ୍ତି ଆଇଏଏସ୍ ଟିନା ଡାବି । ରୀତିନୀତି ଅନୁଯାୟୀ ୨୦୧୩ ବ୍ୟାଚ୍ର ଆଇଏଏସ୍ ପ୍ରଦୀପ ଗଓ୍ୱାଣ୍ଡେଙ୍କୁ ବିବାହ କରିବେ ଟିନା । ବିବାହ ପାଇଁ ସମସ୍ତ ଆୟୋଜନ ଶେଷ ହୋଇଥିବା ବେଳେ ଜୟପୁରର ଏକ ପାଞ୍ଚତାରକା ହୋଟେଲରେ ବିବାହ ହେବାନେଇ ସୂଚନା ମିଳିଛି । ଆସନ୍ତା ୨୨ତାରିଖରେ ବଡ଼ ଧରଣରର ଭୋଜିଭାତ ଆୟୋଜନ ହୋଇଥିବା ନେଇ କୁହାଯାଇଛି । ତେବେ ଟିନାଙ୍କ ଏହା ହେଉଛି ଦ୍ୱିତୀୟ ବିବାହ । ଟିନା ୨୦୧୮ରେ ଆଇଏଏସ୍ ଅତହର ଖାନଙ୍କୁ ବିବାହ କରିଥିଲେ ।
ପରେ ମାତ୍ର ୨ବର୍ଷ ଅର୍ଥାତ୍ ୨୦୨୦ରେ ସେମାନେ ନିଜନିଜ ଭିତରେ ବୁଝାମଣା କରି ତଲାକ ନେଇଥିଲେ । ହେଲେ ଆଜି ପୁଣି ଥରେ ଟିନା ଆଇଏଏସ୍ ପ୍ରଦୀପଙ୍କୁ ବିବାହ କରୁଛନ୍ତି । ପୂର୍ବରୁ ଆଇଏଏସ୍ ପ୍ରଦୀପ ଗଓ୍ୱାଣ୍ଡେଙ୍କୁ ଟିନା ବିବାହ କରିବା ନେଇ ଇନ୍ଷ୍ଟାଗ୍ରାମରେ ଫଟୋ ସେୟାର କରିଥିଲେ । ଆଉ କିଛି କ୍ୟାପ୍ସନ ମଧ୍ୟ ଲେଖିଥିଲେ । ତେବେ ଆଇଏଏସ୍ ପ୍ରଦୀପଙ୍କ ମଧ୍ୟ ଏହା ଦ୍ୱିତୀୟ ବିବାହ ।
