ସମ୍ବଲପୁର: ଗତ ୩୦ ଓ ୩୧ ତାରିଖ ଦୁଇ ଦିନ ଧରି ନେପାଳ ଦେଶର ରାଜଧାନୀ କାଠମାଣ୍ଡୁ ଠାରେ ଆର୍ନ୍ତଜାତୀୟ ସାଂସ୍କୃତିକ ଓ କଳା ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏଭରେଷ୍ଟ ସାଂସ୍କୃତିକ ଅନୁଷ୍ଠାନ ନେପାଳ ଓ ହୋଙ୍ଗସାନ ସାଂସ୍କୃତିକ ଉତ୍ସବ ଦକ୍ଷିଣ କୋରିଆ ର ମିଳିତ ଆନୁକୂଲ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ଭାରତକୁ ସମ୍ବଲପୁରର ନାଟ୍ୟଗୁରୁ ଆଲୋକ ପଣ୍ଡା ପ୍ରତିନିଧିତ୍ୱ କରିଥିଲେ। ଏହି ଅବସରରେ ନେପାଳର ପର୍ଯ୍ୟଟନ ଓ ନଗର ଉନ୍ନୟନ ମନ୍ତ୍ରୀ ମଣିଭଦ୍ର ଶର୍ମା ମୁଖ୍ୟ ଅତିଥି ରୂପେ ଯୋଗ ଦେଇ ଆଲୋକ ପଣ୍ଡାଙ୍କୁ ସମ୍ବର୍ଦ୍ଧିତ କରିଥିଲେ। ଏହି ସଙ୍ଗଠନ ପକ୍ଷରୁ ପ୍ରତି ବର୍ଷ ବିଭିନ୍ନ ଦେଶରେ ସାଂସ୍କୃତିକ ଉତ୍ସବ ଆୟୋଜନ କରିବ। ଭାରତ ସମେତ ସମୁଦାୟ ୬୦ଟି ଦେଶରେ ଉତ୍ସବମାନ ଆୟୋଜନ କରାଯାଇ ପର୍ଯ୍ୟଟନ, ସାଂସ୍କୃତିକ ଆଦାନ ପ୍ରଦାନ କୁ ପ୍ରୋତ୍ସାହିତ କରାଯିବ। ଶିବିରରେ ଏହାକୁ ନେଇ ବିସ୍ତୃତ ଆଲୋଚନା କରାଯାଇଥିବା ବେଳେ ଏହି ଅବସରରେ ସଂଘ ପକ୍ଷରୁ କୋରିଆର ୱାଙ୍ଗ ଜିମିନ ଙ୍କୁ ସଭାପତି ଓ ଗୁରୁ ଆଲୋକ କୁମାର ପଣ୍ଡାଙ୍କୁ ଉପ ସଭାପତି ଦାୟିତ୍ୱ ଦିଆଯାଇଛି।
Popular Categories
Previous article
Next article