ହାଇଦରାବାଦ : ହାଇଦରାବାଦ ସହରର ଏକ ଜନଗହଳିପୂର୍ଣ୍ଣ ରାସ୍ତା ମଝିରେ ଜଣେ ଯୁବକଙ୍କୁ କୁରାଢିରେ ହାଣି ହତ୍ୟା କରାଯାଇଛି। ଏଭଳି ବିଭତ୍ସ ହତ୍ୟାକାଣ୍ଡ ଦେଖି ଲୋକ୍ ସ୍ତବ୍ଧ ହୋଇଯାଇଥିଲେ ଓ ସାହଯ୍ୟ କରିବା ପରିବର୍ତ୍ତେ ନିରବଦ୍ରଷ୍ଟା ହୋଇ ରହିଯାଇଥିଲେ। କୁରାଢିରେ ହାଣି ହତ୍ୟା କରାଯିବା ଭଳି ରୋମ ଟାଙ୍କୁରା ଦୃଶ୍ୟକୁ କେତେକ ଲୋକ ମୋବାଇଲରେ ଉତ୍ତୋଳନ କରି ସାମାଜିକ ଗଣମାଧ୍ୟମରେ ପୋଷ୍ଟ କରିବା ପରେ ଏହି ଘଟଣା ପଦାକୁ ଆସିଛି। ଭିଡ଼ିଓରେ ରାସ୍ତା ମଝି ଟ୍ରାଫିକ୍ ମଧ୍ୟରେ ଦୁଇ ଜଣ ଲୋକ ଜଣେ ଯୁବକଙ୍କୁ କୁରାଢିରେ ହାଣି ହତ୍ୟା କରୁଥିବା ଦେଖିବାକୁ ମିଳିଛି। ହାଇଦରାବାଦ ସହର ପିବିଏନ୍ଆର ଏକ୍ସପ୍ରେସ୍ ପିଲର ନମ୍ବର ୧୪୩ ନିକଟରେ ଗତ ମଙ୍ଗଳବାର ଏହି ହତ୍ୟାକାଣ୍ଡ ଘଟିଛି ଓ ମୃତ ଯୁବକର ନାମ ରମେଶ ବୋଲି ଜାଣିବାକୁ ମିଳିଛି। କୁହାଯାଉଛି ଯେ ମହେଶ ଗୌଡ଼ ନାମକ ଜଣେ ଯୁବକର ହତ୍ୟାକାଣ୍ଡରେ ରମେଶ ମୁଖ୍ୟ ଅଭିଯୁକ୍ତ ଥିଲା। ମହେଶ ହତ୍ୟାକାଣ୍ଡର ପ୍ରତିଶୋଧ ନେବା ପାଇଁ ରମେଶକୁ ହତ୍ୟା କରାଯାଇଛି। ରମେଶକୁ ହତ୍ୟା କରିଥିବା ବ୍ୟକ୍ତି ଦ୍ୱୟ ମହେଶର ବାପା ଓ କକା ବୋଲି ଚିହ୍ନଟ କରାଯାଇଛି। ରମେଶ ରାଜେନ୍ଦ୍ରନଗର କୋର୍ଟରୁ ଘରକୁ ଫେରୁଥିବାବେଳେ ମହେଶ ବାପା ଓ କକା ତାକୁ ପିଛା କରି ରାସ୍ତା ମଝିରେ ଅଟକାଇ କୁରାଢିରେ ହାଣି ପକାଇଥିଲେ। ହତ୍ୟାକାଣ୍ଡ ବେଳେ ସେହି ରାସ୍ତାରେ ଏକ ପୁଲିସ୍ ପାଟ୍ରୋଲିଂ ଗାଡ଼ି ଯାଉଥିବାର ଦେଖିବାକୁ ମିଳିଛି। ଫଳରେ ପୁଲିସ୍ କାର୍ଯ୍ୟକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।
Popular Categories
Previous article
Next article