ଭୁବନେଶ୍ବର: ଫଟୋଗ୍ରାଫର ମାନସ ସ୍ବାଇଁ ହତ୍ୟା ମାମଲା । ଧୀରେଧୀରେ ହତ୍ୟା ମାମଲାର ଗୁମର ଖୋଲିବାରେ ଲାଗିଛି । ଘଟଣାକୁ ନେଇ ସାମ୍ନାକୁ ଆସୁଛି ନୂଆନୂଆ ରୋମାଞ୍ଚକର ତଥ୍ୟ । ମାନସଙ୍କ ହତ୍ୟା ପଛରେ ୱେବ୍ ପୋର୍ଟାଲ ମାଲିକାଣୀଙ୍କ ସମ୍ପୃକ୍ତି ରହିଥିବା ସୂଚନା ମିଳିଛି । ଅଶ୍ଳୀଳ ଚଳଚ୍ଚିତ୍ର ସୁଟିଂ କାମରେ ମାନସଙ୍କୁ ଲଗାଯାଉଥିବା ସାଧାରଣରେ ଚର୍ଚ୍ଚା ହେଉଛି । ଖାଲି ସେତିକି ନୁହେଁ ମିଳିଥିବା ସୂଚନା ଅନୁସାରେ ଅଶ୍ଳୀଳ ଚଳଚ୍ଚିତ୍ରର କିଛି ଭିଡିଓ ମାନସଙ୍କ ପାଖରେ ରହିଥିଲା । ସେହି ଭିଡିଓ ଗୁଡ଼ିକୁ ଫେରାଇବାକୁ ପୋର୍ଟାଲର ମାଲିକାଣୀ କହିଥିଲେ । ହେଲେ ଭିଡିଓ ଗୁଡିକୁ ମାନସ ଫେରାଇ ନଥିଲେ । ପରେ ତାଙ୍କୁ ସେହି ଘଟଣାରେ ଅପହରଣ କରାଯାଇଥିବା କୁହାଯାଉଛି ।
ସୂଚନା ମୁତାବକ ମାନସ ଚାନ୍ଦବାଲିର ଏକ ବିବାହ କାର୍ଯ୍ୟକ୍ରମରେ ଯୋଗ ଦେଇଥିଲେ । ସେଠାରୁ ତାଙ୍କୁ ଅପହରଣ କରାଯାଇଥିଲା । ଅପହରଣ ପରେ ତାଙ୍କୁ ଏକ ବୃଦ୍ଧାଶ୍ରମରେ ରଖି ମାଡ଼ ମରାଯାଇଥିଲା । ଏହି ଘଟଣାରେ ୫ଜଣ ଲୋକଙ୍କ ସହ ପୋର୍ଟାଲର ମାଲିକାଣୀଙ୍କ ସମ୍ପୃକ୍ତି ରହିଥିବା ସୂଚନା ରହିଛି । ବର୍ତ୍ତମାନ ୱେବ୍ ପୋର୍ଟାଲ ମାଲିକାଣୀ ଫେରାର ରହିଛନ୍ତି ।
Comments are closed.