ବେଗୁନିଆ : ବେଗୁନିଆ ଗ୍ରାମ୍ୟ ଉନ୍ନୟନ ବିଭାଗ ଦ୍ୱାରା ନିର୍ମାଣ କରାଯାଇଥିବା ମଲ୍ଲୀପଦର-ଗୋବିନ୍ଦପୁର ରାସ୍ତା କାର୍ଯ୍ୟ ନିମ୍ନ ମାନର କରାଯାଇ ଅର୍ଥ ଆତ୍ମସାତ କରାଯାଇଥିବା ନେଇ ଅଭିଯୋଗ ସହ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।ଗ୍ରାମବାସୀମାନେ ଏ ସଂକ୍ରାନ୍ତରେ ୫ଟି ସଚିବଙ୍କ ସହିତ ବିଭାଗୀୟ ଉଚ୍ଚ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରିଛନ୍ତି । ଉକ୍ତ ରାସ୍ତା କାର୍ଯ୍ୟ ପାଇଁ ୨୦ ଲକ୍ଷ ଟଙ୍କାର ଅନୁଦାନ ଆସିଥିବାବେଳେ ଠିକାଦାର ପିଚୁ ରାସ୍ତା ଉପରେ ନାମକୁ ମାତ୍ର ପିଚୁ ଏବଂ ବଜୁରୀ ଦେଇ କାର୍ଯ୍ୟ କରିଥିବାବେଳେ ରାସ୍ତାର ଦୁଇ ପାର୍ଶ୍ଵରେ ପିଚୁ ବଜୁରୀ ଦେଇ ସମସ୍ତ ଅର୍ଥ ବାଟମାରଣା ହୋଇଥିବାର ଅଭିଯୋଗ ହୋଇଥିଲା ।ଯାହାଫଳରେ ରାସ୍ତା କାର୍ଯ୍ୟ ହେବାର ୮ ଦିନ ଭିତରେ ଚିପସ ବଜୁରୀ ଉଠି ରାସ୍ତା ଉପରେ ଗଡୁଛି ।ଏହି ରାସ୍ତା ଉପରେ ଦୈନିକ ହଜାର ହଜାର ଲୋକ ଯାତାୟାତ କରୁଥିବାବେଳେ ବହୁ ଗାଡି ମଟର ଯା ଆସ କରିଥାଏ ।ଫଳରେ ଲୋକମାନେ ଯାତାୟାତ କ୍ଷେତ୍ରରେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଏ ସଂକ୍ରାନ୍ତରେ ଗ୍ରାମବାସୀମାନେ ୫ ଟି ସଚିବଙ୍କ ସହିତ ଗ୍ରାମ୍ୟ ଉନ୍ନୟନ ବିଭାଗ ସଚିବ ,ମୁଖ୍ୟଯନ୍ତ୍ରୀ ,ନିର୍ବାହୀ ଯନ୍ତ୍ରୀ, ଡି ଏସ ପି ଭିଜିଲାନ୍ସ ଖୋର୍ଦ୍ଧା, ଗ୍ରାମ୍ୟ ଉନ୍ନୟନ ବିଭାଗ ସହକାରୀ ଯନ୍ତ୍ରୀ ଏବଂ କନିଷ୍ଠ ଯନ୍ତ୍ରୀଙ୍କ ନିକଟରେ ଅଭିଯୋଗ କରିଥିଲେ ।ଅଭିଯୋଗ ହେବା ପରେ ଗତ୨୩ତାରିଖ ଦିନ ଏସ ଇ, ନିର୍ବାହୀଯନ୍ତ୍ରୀ ଏବଂ ଏସ ଡି ଓ ଆସି ତିନି ଜାଗାରେ ରାସ୍ତା କାର୍ଯ୍ୟର ମାନ ପରୀକ୍ଷା କରିଥିଲେ । ତୁରନ୍ତ ଏଦିଗ ପ୍ରତି ଧ୍ୟାନ ଦେବାକୁ ଅଞ୍ଚଳବାସୀ ଦାବି କରିଛନ୍ତି।
Popular Categories
Previous article
Next article