ଗୁରୁଡିଝାଟିଆ: ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଖୁଣ୍ଟୁଣୀ ଏବେ ରୋଚକ ସ୍ଥିତିରେ ରହିଛି। ଏହି ପଞ୍ଚାୟତରୁ ୧୩ଜଣ ପ୍ରାର୍ଥୀ ପ୍ରତିଦ୍ୱନ୍ଦିତା କରୁଥିଲେ ମଧ୍ୟ ଲଢେଇ ମୁଖ୍ୟତଃ ଦ୍ୱିମୁଖି ଲଢ଼େଇ ହେବ ବୋଲି ଅନୁମାନ କରାଯାଉଛି। ପୂର୍ବତନ ସରପଞ୍ଚ କୈଳାସ ଦାସ ଓ ଆଲୋକ ସାହୁ ମଧ୍ୟରେ ଲଢେଇ ଜୋରଦାର ହେଉଛି। ଆଜି ଉଭୟ ସମର୍ଥକଙ୍କ ଭିତରେ ମୁହାଁମୁହିଁ ହୋଇଥିଲା ଏବଂ ସେଠାରେ ଉତ୍ତେଜନା ପ୍ରକାଶ ପାଇଥିଲା। ଉଭୟେ ଉଭୟଙ୍କ ବିରୋଧରେ ନାରାବାଜି ଦେଇଥିଲେ। ଏପରିକି ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ନିର୍ବାଚନ ପ୍ରଚାରଗାଡିରେ ପ୍ରଚାର କରିବା ପାଇଁ ବୁଲୁଥିବା ବେଳେ ଖୁଣ୍ଟୁଣୀ ବଜାର ନିକଟରେ କିଛି ଯୁବକ ବାଇକକୁ ରାସ୍ତା ଉପରେ ରଖି କୈଳାସ ଦାସଙ୍କ ସପକ୍ଷରେ ନାରାବାଜି ଦେଇଥିଲେ। ଆଠଗଡ ଏସଡିପିଓ ସତ୍ୟବ୍ରତ ଲେଙ୍କା ଓ ଖୁଣ୍ଟୁଣୀ ଥାନା ଅଧିକାରୀ ଭବାନୀ ପ୍ରସାଦ ଖୁଣ୍ଟିଆ ରାସ୍ତା ଉପରେ ବାଇକଗୁଡିକୁ ହଟାଇ ସ୍ୱାଭାବିକ ପରିସ୍ଥିତି କରିଥିଲେ।
Popular Categories
Previous article
Next article