ଧାମରା: ଧାମରା ନିକଟବର୍ତ୍ତି କରଣପଲ୍ଲୀ ପଞ୍ଚାୟତରେ କଣ୍ଟ୍ରୋଲ ସାମଗ୍ରୀ ବଣ୍ଟନକୁ ନେଇ ଧାମରା-ଭଦ୍ରକ ରାସ୍ତାରୋକ ହୋଇଥିଲା। ପୁଲିସର ହସ୍ତକ୍ଷେପ ପରେ ରାସ୍ତାରୋକ ଉଠିଥିଲା ଓ ଯାତାୟତ ସ୍ବାଭିବକ ହୋଇଥିଲା।
ଘଟଣାରୁ ପ୍ରକାଶ କରଣପଲ୍ଲୀ ପଞ୍ଚାୟତ ନିର୍ବାଚନ ପୂର୍ବରୁ କଣ୍ଟ୍ରୋଲ ସାମଗ୍ରୀ ଆସି ମହଜୁଦ ଥିଲା। ଗତକାଲି ପଞ୍ଚାୟତ ନିର୍ବାଚନ ସରିଥିବା ବେଳେ ଆଜି ସକାଳେ ଏହି ବଣ୍ଟନ ବ୍ୟବସ୍ଥାରେ ବିଳମ୍ବ ହୋଇଥିଲା। ଏହି ଘଟଣାକୁ ନେଇ ଦୁଇ ଗୋଷ୍ଠୀ ମଧ୍ୟରେ ମାରପିଟ ହୋଇଥିଲେ। ଏହାର ପ୍ରତିବାଦରେ ଧାମରା-ଭଦ୍ରକ ରାସ୍ତା ଉପରେ ଏକ ଘଣ୍ଟାଧରି ରାସ୍ତାରୋକ କରାଯାଇଥିଲା।
ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିଥିଲା ଏବଂ ଉତ୍ୟକ୍ତ ଲୋକଙ୍କୁ ବୁଝାଶୁଝା କରିଥିଲା। ପରବର୍ତ୍ତୀ ସମୟରେ କଣ୍ଟ୍ରୋଲ ସାମଗ୍ରୀ ବଣ୍ଟନ ବ୍ୟବସ୍ଥାକୁ ତ୍ୱରାନ୍ୱିତ ପାଇଁ ଆଲୋଚନା ହୋଇଥିଲା। ଫଳରେ ଉତ୍ୟକ୍ତ ଲୋକେ ରାସ୍ତାରୋକ ହଟାଇଥିଲେ। ସକାଳ ୧୦-୧୧ଟା ପର୍ଯ୍ୟନ୍ତ ଏହି ରାସ୍ତାରେ ଯାତାୟତ ସଂପୂର୍ଣ ବନ୍ଦ ଥିଲା। ରାସ୍ତାରୋକ ଯୋଗୁ ବହୁ ଗାଡ଼ି ଦୀର୍ଘ ସମୟ ପର୍ଯ୍ୟନ୍ତ ରାସ୍ତା ଉପରେ ଅଟକି ରହିଥିଲା।
