ବାରାବଙ୍କୀବାସୀ ଆତଙ୍କିତ ; ବିଦ୍ୟାଳୟ,କ୍ଷେତରେ ବୁଲୁଛି ବାଘ

ବାରାବଙ୍କୀ : ସ୍କୁଲରେ ବୁଲୁଛି ବାଘ। ଏହାକୁ ନେଇ ସ୍ଥାନୀୟ ଅଞ୍ଚଳରେ ଆତଙ୍କ ସୃଷ୍ଟି ହୋଇଛି। ବାରାବଙ୍କୀ ଜିଲାରେ ପ୍ରାୟ ଏକ ମାସ ହେବ ଚିତାବାଘ ଆତଙ୍କ ସୃଷ୍ଟି କରିଛି। ଖ୍ୱାଜାପୁର ଗାଁ ନିକଟରେ ସ୍ଥିତ ଏକ ଘରୋଇ ବିଦ୍ୟାଳୟରେ ନିକଟରେ ସିସିଟିଭି କ୍ୟାମେରାରେ ଚିତାବାଘ ବିଦ୍ୟାଳୟ ପରିସରରେ ବୁଲୁଥିବାର ନଜର ଆସିଛି। ବନ ବିଭାଗ କର୍ମଚାରୀ ଗ୍ରାମବାସୀଙ୍କୁ ସତର୍କ ରହିବାକୁ ପରାମର୍ଶ ଦେଇଛନ୍ତି। ଏହାସହ କ୍ଷେତକୁ ଏକା ନଯାଇ ଏକାଠି ହୋଇ ଯିବାକୁ କହିଛନ୍ତି।
ସୂଚନା ଯୋଗ୍ୟ, ଉତ୍ତରପ୍ରଦେଶର ବାରାବଙ୍କୀ ଜିଲାରେ ଏକ ମାସ ହେବ ଲୋନୀକଟରା କ୍ଷେତ୍ର ଖ୍ୱାଜାପୁର ଗାଁ ନିକଟରେ ଘରୋଇ ବିଦ୍ୟାଳୟ ବାଘ ବୁଲୁଛି। ବନ ବିଭାଗ ଅନୁଯାୟୀ, କ୍ୟାମେରାରେ ଦେଖାଯାଇଥିବା ଜନ୍ତୁ ବାଘ। ଏହି ଘଟଣା ଗ୍ରାମରେ ନିଆଁ ଭଳି ବ୍ୟାପି ଯାଇଛି। ଜଣେ ଗ୍ରାମବାସୀଙ୍କ କହିବାନୁଯାୟୀ, ଏକଦା କ୍ଷେତରେ ସେ କାମ କରିବା ସମୟରେ କିଛି ଭିନ୍ନ ଶବ୍ଦ ଶୁଣିଥିଲେ। ଏହାପରେ ବନ କର୍ମଚାରୀ ସିସିଟିଭିରେ ବାଘ ବୁଲୁଥିବାର ଦେଖିଥିଲେ। ଗୋମତୀ ନଦୀ କଡରେ ବିଦ୍ୟାଳୟ ଥିବାରୁ ବାଘ ସେଠାକୁ ପ୍ରବେଶ କରିଛି ବୋଲି ଅନୁମାନ କରାଯାଉଛି। ମାତ୍ର ଏଯାଏଁ ବାଘ ଆକ୍ରମଣରେ କାହାର କୌଣସି କ୍ଷତି ହୋଇ ନାହିଁ ବୋଲି ଖବର ମିଳିଛି। କୌଣସି ଅଘଟଣ ନ ଘଟିବା ପାଇଁ ଗ୍ରାମବାସୀଙ୍କୁ ଏକତ୍ରିତ ଯିବାକୁ ବନ ବିଭାଗ ପରାମର୍ଶ ଦେଇଥିବା ବେଳେ ଗ୍ରାମବାସୀଙ୍କ କହିବାନୁଯାୟୀ, ବାଘ ଗୋଟିଏ ନୁହେଁ ବରଂ ୨ଟି ରହିଛନ୍ତି। ବାଘମାନେ କ୍ଷେତରେ ବୁଲୁଥିବାର ଅଞ୍ଚଳବାସୀ ଦେଖିଛନ୍ତି। ଏହାସହ ବାଘ ଆକ୍ରମଣରେ ଅନେକ ଜଙ୍ଗଲୀ ଜନ୍ତୁ ଆହତ ହୋଇଛନ୍ତି। ବନ ବିଭାଗ ଖୁବ ଶୀଘ୍ର ବାଘକୁ ଧରିବ ବୋଲି କହିଛି। ବାଘ ପାଇଁ ଗ୍ରାମବାସୀ ଅନେକ ସମସ୍ୟାର ସମ୍ମୁଖୀନ ହେଉଥିବା ବେଳେ ନିଜର ଦୈନନ୍ଦିନ କାର୍ଯ୍ୟ କରିବାରେ ଅସୁବିଧା ଭୋଗ କରୁଛନ୍ତି। ଗ୍ରାମବାସୀଙ୍କୁ ସତର୍କ ରହିବା ସହ ଖୁବ ଶୀଘ୍ର ବାଘକୁ ଧରିବା ପାଇଁ ବିଭିନ୍ନ ପ୍ରୟାସ ସହ ଜାଲ ବିଛା ଯାଇଛି।