ବୌଦ୍ଧ : ବୌଦ୍ଧ ଥାନା ଅନ୍ତର୍ଗତ ବାରକୁଡା ଛକ ନିକଟରେ ବୌଦ୍ଧ ପୁଲିସ ଚଢାଉ କରି ୫୦ କିଲୋ ଗଞ୍ଜେଇ ସହ ଏକ କାର ଓ ୨ଟି ମୋବାଇଲକୁ ଜବତ କରିଛି। ଗଞ୍ଜେଇ ଚାଲାଣ ଅଭିଯୋଗରେ ପୁଲିସ ୩ ଜଣଙ୍କୁ ଗିରଫ ପରେ କୋର୍ଟ ଚଲାଣ କରିଛି। ପୁଲିସ ସୂତ୍ରରୁ ପ୍ରକାଶ, ସମ୍ବଲପୁର ସହର ଧନୁପାଲି ଥାନା ଅନ୍ତର୍ଗତ ଭିଏସଏସ ଷ୍ଟାଡିୟମ ନିକଟ ଅଂଚଳର ଶେଖ ପରୱେଜ (୩୨) ଧନୁପାଲି ଥାନା ଭୂତାପଡା ଅଂଚଳର ମହମ୍ମଦ ମେହେରାଜ(୩୨) ଉକ୍ତ ଅଂଚଳର ଶେଖ ଫଇଜଲ(୨୩) ଏକ କାର(ଓଡି୧୫ଏସ ୫୩୭୮)ରେ ବୌଦ୍ଧ ଜିଲା ବଘିଆପଡା ଅଂଚଳ ପଟୁ ବୌଦ୍ଧ ଆଡକୁ ଆସୁଥିବା ସମୟରେ ବୌଦ୍ଧ ପୁଲିସ କାର ଉପରେ ଚଢାଉ କରିଥିଲା। କାରର ତଲାସି ନେବାରୁ କାରରୁ ଗଂଜେଇ ମିଳିଥିଲା ।
- Advertisement -
ପୁଲିସ ଉକ୍ତ ଗଂଜେଇକୁ ଜବତ କରି ଓଜନ କରିବାରୁ ୫୦ କିଲୋ ହୋଇଥିଲା। ପୁଲିସ କାର ସହ ୨ଟି ମୋବାଇଲକୁ ମଧ୍ୟ ଜବତ କରିଥିଲା। ବେଆଇନ ଗଂଜେଇ କାରବାର ଅଭିଯୋଗରେ ଶେଖ ପରୱେଜ, ମହମ୍ମ ମେହେରାଜ, ଶେଖ ଫଇଜଲ ଗିରଫ କରି କୋର୍ଟ ଚାଲାଣ କରାଯାଇଥିବା ଆଦର୍ଶ ଥାନା ଅଧିକାରୀ ମାଧବନନ୍ଦ ନାୟକ ପ୍ରକାଶ କରିଛନ୍ତି ।
