ନୂଆଦିଲ୍ଲୀ : ଦେଶବ୍ୟାପୀ ଚାଲିଥିବା ବିଶ୍ବର ସର୍ବବୃହତ୍ ଟିକାକରଣ ଅଭିଯାନ ଦ୍ରୁତ ଗତିରେ ଆଗେଇ ଚାଲିଛି । ଟିକାଦାନ କ୍ଷେତ୍ରରେ ଭାରତ ଗୋଟିଏ ପରେ ଗୋଟିଏ ରେକର୍ଡ ପ୍ରତିଷ୍ଠା କରି ଚାଲିଛି । ଶନିବାର ୧୬୫କୋଟି ପାନରୁ ଅଧିକ ଟିକାଦାନ କରି ଭାରତ ଆଉ ଏକ ସଫଳତା ହାସଲ କରିଛି ।
ଆଜି ସନ୍ଧ୍ୟା ସୁଦ୍ଧା ୧୬୫କୋଟି ୫୦ ଲକ୍ଷ୨୯ହଜାରରୁ ଅଧିକ ପାନ ଟିକାଦାନ କରାଯାଇଥିବା ଜଣାପଡିଛି। ୧ କୋଟି ୧୦ ଲକ୍ଷରୁ ଅଧିକ ପ୍ରତିଷେଧାତ୍ମକ ପାନ ଦିଆଯାଇଥିବା କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ସୂତ୍ରରୁ ଜଣାପଡିଛି ।
ଅନ୍ୟପକ୍ଷରେ ଏପର୍ୟ୍ୟନ୍ତ ୧୫ରୁ ୧୮ ବର୍ଷ ବୟସ ମଧ୍ୟରେ ୬୦ପ୍ରତିଶତ ପିଲାଙ୍କୁ ଟିକାଦାନ କରାଯାଇ ସାରିଲାଣି । କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ମନସୁଖ ମାଣ୍ଡବ୍ୟ ଟ୍ୱିଟ୍ ମାଧ୍ୟମରେ ସୂଚନା ଦେଇ କହିଛନ୍ତି ଯେ ସାଢ଼େ ୪ କୋଟିରୁ ଅଧିକ ପିଲାଙ୍କୁ ପ୍ରଥମ ପାନ ଟିକା ଦିଆଯାଇଛି ।
ସେହିପରି ରାଜ୍ୟରେ ଏପର୍ୟ୍ୟନ୍ତ ୫କୋଟି ୬୭ଲକ୍ଷ ୮୨ହଜାରରୁ ଅଧିକ ପାନ ଟିକା ଦିଆଯାଇଛି । ୪ଲକ୍ଷ ୩୯ହଜାରରୁ ଅଧିକ ପ୍ରତିଷେଧାତ୍ମକ ପାନ ଦିଆଯାଇଛି ।
ସାମଗ୍ରିକ ଟିକାକରଣ ୧୬୫ କୋଟି ଟପିଲା
Popular Categories
Previous article
Next article