ନୂଆଦିଲ୍ଲୀ: ବିମାନ ସେବା ଉପରେ ବାଧକ ସାଜିଛି ୫ଜି । ଆମେରିକାରେ ୫ଜି ସେବା ଆରମ୍ଭ ପରେ ବିମାନ ଉଡାଣରେ ବାଧା ସୃଷ୍ଟି ହେଉଛି । ବର୍ତ୍ତମାନ ସ୍ଥିତିରେ ଧୀରେ ଧୀରେ ସୁଧାର ଆସୁଥିବା ବେଳେ, ଏୟାର୍ ଇଣ୍ଡିଆ, ଏମିରେଟ୍ସ ଓ ଲୁଫ୍ତାନ୍ସା ଆଦି ବିମାନସେବା ଆରମ୍ଭ ହେଉଛି । କିଛି ଅସୁବିଧା କାରଣରୁ ବିମାନସେବା ପ୍ରଦାନକାରୀ ସଂସ୍ଥା ଏକାଧିକ ବୋଇଂ ୭୭୭ ଉଡ଼ାଣ ଅଚାନକ ରଦ୍ଦ କରିଦେଇଥିଲେ। ଫଳରେ ଯାତ୍ରୀ ମାନେ ନାହିଁ ନଥିବାର ହଇରାଣ ହେଉଥିଲେ । ଏବେ ଆମେରିକାରେ ୮୦ ପ୍ରତିଶତ ବିମାନ ଉଡାଣ ଆରମ୍ଭ କରିଛି ।
ହେଲେ ୨୦ ପ୍ରତିଶତ ବିମାନ ଉଡାଣ କରିବାକୁ ଅନୁମତି ଦେଇନାହାନ୍ତି ଆମେରିକା ସରକାର । ଆମେରିକାରେ ୫ଜିକୁ ନେଇ ଏପରି ପରିସ୍ଥିତି ସୃଷ୍ଟି ହୋଇଥିବାରୁ ଭାରତରେ ୫ଜି ସେବା ଆରମ୍ଭକୁ ନେଇ ଚିନ୍ତା ବଢ଼ିଲାଣି । ଭାରତରେ ୫ଜି ସେବା ଆରମ୍ଭ କରିବାକୁ ଜୋରଦାର ପ୍ରସ୍ତୁତ କରୁଛନ୍ତି ଜିଓ ଓ ଏୟାରଟେଲ କମ୍ପାନୀ । କମ୍ପାନୀ ପକ୍ଷରୁ କୁହାଯାଇଛି କି, ଏହି ସେବା ଆରମ୍ଭ ପରେ ସେମତି କିଛି ଭାରତରେ ବାଧା ଉପୁଜିବ ନାହିଁ ।
