ରେଙ୍ଗାଲିକେମ୍ପ : ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ ରେଙ୍ଗାଲି କେମ୍ପ୍ କେନାଲ ବିଭାଗ ପରିସରରେ କୋଭିଡ଼ ନିୟମ ପାଳନ ପୂର୍ବକ ମାଆ ଶ୍ୟାମା କାଳୀଙ୍କ ପୂଜା ଅନୁଷ୍ଠିତ ହୋଇଯାଇଛି । ଗୁରୁବାର ସନ୍ଧ୍ୟାରେ ସ୍ଥାନୀୟ କେନାଲ ପୀଠରେ ପୂଜାର୍ଚ୍ଚନା ପୂର୍ବକ ୧୦୮ ପୂର୍ଣ୍ଣ କୁମ୍ଭ କଳସ ମାଆଙ୍କ ପୂଜା ମଣ୍ଡପରେ ପହଞ୍ଚି ପୂଜାର୍ଚ୍ଚନା ଆରମ୍ଭ ହୋଇ ହୋମ, ଚଣ୍ଡୀପାଠ, ପ୍ରତିମା ପୂଜା, ଝଣ୍ଡା ପୂଜା କେବଳ ପଣ୍ଡିତ ଓ କର୍ତ୍ତା-କର୍ତ୍ତୀଙ୍କୁ ନେଇ ହେଇଥିବା ବେଳେ ଆସନ୍ତା କାଲି ଚଣ୍ଡୀ ହୋମ, ପୂର୍ଣ୍ଣାହୁତି ସହ ମାଁ ମୃଣ୍ମୟ ମୂର୍ତ୍ତି ବିସର୍ନଜ ହେବ ବୋଲି ମନ୍ଦିର କମିଟି ପକ୍ଷରୁ ଜଣାପଡିଛି।
ଏହି ଅବସରରେ କର୍ତ୍ତା ଦାୟିତ୍ୱରେ ଦିବ୍ୟ କିଶୋର କାଉଁର ସପତ୍ନିକ ରହିଥିବାବେଳେ ପଣ୍ଡିତ ଅଚ୍ୟୁତାନନ୍ଦ ଶତପଥୀ, ପ୍ରଭାକର ଶତପଥୀ, ମଲୟ ଦାଶ ଓ କାହ୍ନୁ ଚରଣ ମହାପାତ୍ର ପୂଜା କାର୍ଯ୍ୟ ତୁଲାଉଛନ୍ତି। ଏଥିରେ କେନାଲ ଏସଡ଼ିଓ ରବୀନ୍ଦ୍ର ସେଟ୍ଟି ସଭାପତିତ୍ବ କରୁଥିବାବେଳେ ସହକାରୀ ଯନ୍ତ୍ରୀ ସୁକାନ୍ତ ନାଏକ ସଂପାଦକ ଦାୟିତ୍ଵ ତୁଲାଉଥିଲେ। ପ୍ରତି ବର୍ଷ ଭଳି ମାଆଙ୍କ ପୂଜା ଧୁମ୍ ଧାମରେ ପାଳିତ ହୋଇଆସୁଥିବା ବେଳେ ଚଳିତ ବର୍ଷ ସରକାରୀ କୋଭିଡ୍ ନିୟମ ସକାଶେ ପୂଜା ଫିକା ପଡ଼ିଥିଲା।
