ବେଗୁନିଆ : ବାଘମାରୀ ପେଟ୍ରୋଲ ଟାଙ୍କି ଆଗରେ ଥିବା ୩ ଟି ଟ୍ରକରୁ ୫ ତାରିଖ ରାତିରେ ବାଘମାରୀ ଗ୍ରାମର ଦୁଇଜଣ ଯୁବକ ୨ ଟି ବ୍ୟାଟେରୀ, ଜଗ ରଡ଼ ,ସମସ୍ତ ରେଂଚି ସହିତ ଅନ୍ୟ ଏକ ଟ୍ରକରୁ ପ୍ରାୟ ୪୦ ହଜାର ଟଙ୍କାର ଗୁଣ୍ଡ ରଙ୍ଗ କେମିକାଲ ଚୋରି କରି ନେଇଯାଇଥିଲେ । ବାଘମାରୀ ଥାନାରେ ଏ ସଂକ୍ରାନ୍ତରେ ଅଭିଯୋଗ ହେବା ପରେ ଥାନା ଅଧିକାରିଣୀ ଅର୍ଚ୍ଚନା ମଲ୍ଲିକଙ୍କ ନିର୍ଦେଶରେ ଏସ ଆଇ ବ୍ରହ୍ମ।ନନ୍ଦ ସ୍ୱାଇଁ ଏବଂ ଏ ଏସ ଆଇ ପୂର୍ଣ୍ଣଚନ୍ଦ୍ର ଜେନା ଘଟଣାର ତଦନ୍ତ କରି ୩ ଜଣଙ୍କୁ ଗିରଫ କରିଥିବାବେଳେ ସେମାନଙ୍କ ଠାରୁ ସମସ୍ତ ଜିନିଷ ଉଦ୍ଧାର କରିଛନ୍ତି । ବାଘମାରୀ ଗ୍ରାମର ବୁଲୁ ମହାନ୍ତି ଏବଂ ମନୋରଞ୍ଜନ ବେହେରା ଦୁଇଟି ଟ୍ରକରୁ ଦୁଇଟି ବ୍ୟାଟେରୀ ଏବଂ ଜଗ ରଡ଼ ଓ ରେଂଚି ଚୋରିକରି ବେଗୁନିଆରେ ଥିବା କବାଡ଼ିଆ ମହେଶ୍ୱର ସାହୁଙ୍କୁ ବିକ୍ରି କରିଥିଲେ ।ସେହିପରି ଅନ୍ୟ ଏକ ଟ୍ରକରେ ଥିବା୪୦ହଜାର ଟଙ୍କାର ଗୁଣ୍ଡ ରଙ୍ଗ କେମିକାଲ ମଧ୍ୟ ଚୋରିକରି ନେଇ ଅଟ୍ରି ଯିବା ରାସ୍ତାରେ ଥିବା ଏକ ନିଛାଟିଆ ଜାଗାରେ ଥିବା ଗଛମୂଳେ ଲୁଚାଇ ରଖିଥିଲେ ।ବାଘମାରୀ ପୁଲିସ ଚୋର ଦୁଇଜଣଙ୍କୁ ଗିରଫ କରିବା ପରେ ଗଛମୂଳରୁ ରଙ୍ଗ କେମିକାଲ ଜବତ କରିଛି । ବେଗୁନିଆରୁ କବାଡ଼ିଆ ମହେଶ୍ୱର ସାହୁଙ୍କୁ ଚୋରି ଜିନିଷ କିଣିଥିବା ଅଭିଯୋଗରେ ଗିରଫ କରିଛି ।ଏହି ଘଟଣାରେ ସଂପୃକ୍ତ ଅନ୍ୟ ମାନଙ୍କୁ ଗିରଫ କରିବା ପାଇଁ ବାଘମାରୀ ପୁଲିସ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି ।
Popular Categories
Previous article
Next article