ଠାକୁରମୁଣ୍ଡା : ମୟୂରଭଞ୍ଜ ଜିଲ୍ଲା ଠାକୁରମୁଣ୍ଡା ରେଞ୍ଜ ପଡିଆଵେଡା ପଞ୍ଚାୟତ ଅନ୍ତର୍ଗତ ବୋରିଂଗ୍ରାମର ତେଲନଦୀ ସାହିର ଟୁରି ହେମ୍ବ୍ରମ ପତ୍ନୀ ମଙ୍ଗତୀ ହେମ୍ବ୍ରମ (୫୨)ଭାଲୁ ଆକ୍ରମଣରେ ଆହତ ହୋଇ ଠାକୁରମୁଣ୍ଡା ଡାକ୍ତରଖାନାରେ ଚିକିତ୍ସିତ ହେଉଥିବା ଜଣାପଡ଼ିଛି।
ଆଜି ଭୋର ସକାଳୁ ବୋରିଂ ଗ୍ରାମର ମଙ୍ଗତୀ ଜଙ୍ଗଲ ପାଖ ନିଜ ଚାଷ ଜମିରେ ବିଲ କୁ ପାଣି ଅଛି କି ନାହିଁ ଦେଖିବା ପାଇଁ ଯାଇଥିବା ସମୟରେ ହଠାତ୍ ଦୁଇଟି ଭାଲୁ ଦୌଡ଼ି ଆସି ଥିଲେ ଏବଂ ଗୋଟିଏ ଭାଲୁ ମଙ୍ଗତୀଙ୍କୁ ଆକ୍ରମଣ କରିଥିଲା। ଫଳରେ ମଙ୍ଗତୀ ଜଙ୍ଘ ରେ ଗଭୀର କ୍ଷତ ହୋଇଥିଲା। ମଙ୍ଗତୀ ପାଟି କରିବାରୁ ଭାଲୁଟି ଜଙ୍ଗଲକୁ ଚାଲି ଯାଇଥିଲା। ପରେ ପରିବାର ଲୋକ ଅଟୋରେ ସହାଯ୍ୟରେ ଠାକୁରମୁଣ୍ଡା ଡାକ୍ତରଖାନାରେ ଭର୍ତ୍ତି କରିଥିଲେ। ପ୍ରାଥମିକ ଚିକିତ୍ସା ପରେ ମଙ୍ଗତୀଙ୍କର ସ୍ୱାସ୍ଥ୍ୟାବସ୍ଥା ଠିକ ଥିବା ସୂଚନା ମିଳିଛି।
ଭାଲୁ ଆକ୍ରମଣରେ ବୃଦ୍ଧା ଆହତ
Popular Categories
Previous article
Next article