ବେଗୁନିଆ: ବେଗୁନିଆ ବ୍ଲକ କଣ୍ଟାବାଡ଼ ପଞ୍ଚାୟତ ଅନ୍ତର୍ଗତ କେନ୍ଦୁପଲ୍ଲୀ ଗ୍ରାମର ଫାରିଆ ସାହିରେ ମଙ୍ଗଳବାର ସକାଳେ ଏକ ଶିଶୁପୁତ୍ର ଗାଁ ଦାଣ୍ଡରେ ଖେଳୁଥିବାବେଳେ ତା’ ଉପରେ ବିଦ୍ୟୁତ ଖୁଣ୍ଟ ଭାଙ୍ଗି ପଡିବାରୁ ଘଟଣାସ୍ଥଳରେ ଶିଶୁର ମୃତ୍ୟୁ ଘଟିଛି । ସମ୍ପୃକ୍ତ ଗ୍ରାମର ମନୋରଞ୍ଜନ ବେହେରାଙ୍କ ପୁଅ ସାଇରଞ୍ଜନ ବେହେରା (୫) ଆଜି ସକାଳ୮ ଟାରେ ଦାଣ୍ଡରେ ଖେଳୁଥିଲା । ତାଙ୍କ ଘର ସାମ୍ନାରେ ଥିବା ଏକ ପୁରୁଣା ବିଦ୍ୟୁତ ଖୁଣ୍ଟକୁ ଉଠାଇବା ପାଇଁ ଏକ ନୂଆ ସିମେଣ୍ଟ ବିଦ୍ୟୁତ ଖୁଣ୍ଟ ତାଙ୍କ ଘର ଆଗରେ ପୋତାଯାଇଥିଲା । କିନ୍ତୁ ଏଥିରେ ତାର ଟଣାଯାଇ ନ ଥିଲା । ସେ ଖେଳୁଥିବା ସମୟରେ ଉକ୍ତ ଖୁଣ୍ଟଟି ଭାଙ୍ଗି ତା’ ଉପରେ ପଡିଯାଇଥିଲା । ଫଳରେ ଘଟଣାସ୍ଥଳରେ ହିଁ ତା’ ମୃତ୍ୟୁ ଘଟିଥିଲା।
Popular Categories
Previous article
Next article