ଛତ୍ରପୁର : ଓଡିଶା ଷ୍ଟାଫ ସିଲେକ୍ସନ କମିସନ(ଓଏସଏସସି) ଚାକିରିରେ ବଡ ଧରଣର ଦୁର୍ନୀତି ଘଟଣାରେ ବିଜେପି ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି । ଓଡିଶା ବିଜେପି ଯୁବ ମୋର୍ଚ୍ଚା ଆହ୍ୱାନକ୍ରମେ ଛତ୍ରପୁର ବିଜେବି ପକ୍ଷରୁ ଛତ୍ରପୁର ଲୋଏର ବସଷ୍ଟାଣ୍ଡ ଠାରେ ଏହି ମହାଦୁର୍ନୀତିର ପ୍ରତିବାଦ ସହ ରାଜ୍ୟସରକାରଙ୍କ ବିରୁଦ୍ଧରେ ନାରାବାଜି ଓ ମୁଖ୍ୟମନ୍ତ୍ରୀଙ୍କ କୁଶପୁତଳିକା ଦାହ କରାଯାଇଥିଲା । ଓଏସଏସସି ଚାକିରିରେ ଦୁର୍ନୀତି ଯୋଗୁ ରାଜ୍ୟରେ ବହୁ ମେଧାବୀ ଛାତ୍ରଛାତ୍ରୀ ଚାକିରି ନ ପାଇ କମ ମାର୍କ ରଖୁଥିବା ଅନ୍ୟମାନେ ଚାକିରି ହାତଉଥିଲେ । ଏନେଇ ବିଜେପି ପକ୍ଷରୁ ଓଡିଶା ଷ୍ଟାପ ସିଲେକ୍ସନ୍ କମିସନ କ୍ଷେତ୍ରରେ ହୋଇଥିବା ମହାଦୁର୍ନୀତିର ଏକ ଉଚ୍ଚସ୍ତରୀୟ ତଦନ୍ତ କରିବାକୁ ମଧ୍ୟ ଦାବୀ କରାଯାଇଛି । ଓଡିଶା ଷ୍ଟାପ ସିଲେକସନ କମିସନଙ୍କ ଅଧିକାରୀଙ୍କ ବ୍ୟକ୍ତିଗତ ସଚିବଙ୍କ ନିକଟରୁ କୋଟି କୋଟି ଟଙ୍କା,ସୁନାଗହଣା ଜବତ, ପରୀକ୍ଷାର୍ଥୀଙ୍କ ବିପୁଳ ଆଡମିଟ କାର୍ଡ ମିଳିବା ସହ ଗୋଟିଏ ପରେ ଗୋଟିଏ ଗୁମର ଫିଟିବାରେ ଲାଗିଛି । ତୁରନ୍ତ ଏଥିରେ ଅନଯେଉଁମାନେ ସଂପୃକ୍ତ ରହିଛନ୍ତି ସେମାନଙ୍କ ମଧ୍ୟ ଗିରଫ କରିବା ବିଜେପି ପକ୍ଷରୁ ଦାବୀ ହୋଇଛି । କାର୍ଯ୍ୟକ୍ରମରେ ରାଜ୍ୟ କାର୍ଯ୍ୟକାରିଣୀ ସଦଶ୍ୟ ପ୍ରଶାନ୍ତ କର, ପ୍ରଦୀପ କୁମାର ପାଢୀ,ଗଞ୍ଜାମ ଜିଲା ଯୁବ ମୋର୍ଚ୍ଚା ସମ୍ପାଦକ ଡି.ସୁରେଶ ରେଡି, ରାମଚନ୍ଦ୍ର ବେହେରା,ସଞ୍ଜିତ ରାଉଳ,ଅମରେଶ କୁମାର ମହାରଣା, ଲଷ୍ମୀନାରାୟଣ ପଣ୍ଡା ପ୍ରମୁଖ ଉପସ୍ଥିତ ଥିଲେ ।
Popular Categories
Previous article
Next article