ଦୁବାଇ: ଆଇସିସି ତରଫରୁ ମଙ୍ଗଳବାର ଜାରି ମହିଳା ଦିନିକିଆ ବ୍ୟାଟିଂ ମାନ୍ୟତାରେ ଭାରତୀୟ ଅଧିନାୟିକା ମିତାଲି ରାଜ୍ଙ୍କୁ ପଛରେ ପକାଇ ଶୀର୍ଷ ସ୍ଥାନ ହାସଲ କରିଛନ୍ତି ୱେଷ୍ଟଇଣ୍ଡିଜ୍ର ଅଧିନାୟିକା ଷ୍ଟୋଫାନି ଟେଲର। କେବଳ ବ୍ୟାଟିଂ ନୁହେଁ; ଅଲରାଉଣ୍ଡର ମାନ୍ୟତାରେ ମଧ୍ୟ ଟେଲର ଶୀର୍ଷ ସ୍ଥାନ ହାସଲ କରିଛନ୍ତି। ପାକିସ୍ତାନ ବିପକ୍ଷ ପ୍ରଥମ ଦିନିକିଆରେ ଉଭୟ ବ୍ୟାଟିଂ ଓ ବୋଲିଂରେ ଭଲ ପ୍ରଦର୍ଶନ କରିଥିଲେ ଟେଲର। ସେ ୩ଟି ୱିକେଟ୍ ହାସଲ କରିଥିବା ବେଳେ ଅପରାଜିତ ୧୦୫ ରନ୍ କରି ଦଳକୁ ଜିତାଇଥିଲେ। ଫଳରେ ଟେଲର ବ୍ୟାଟିଂ ମାନ୍ୟତାରେ ୪ଟି ସ୍ଥାନ ଉପରକୁ ଉଠି ମିତାଲିଙ୍କୁ ପଛରେ ପକାଇ ଶୀର୍ଷ ସ୍ଥାନ ହାସଲ କରିଥିଲେ। ଭାରତର ବରିଷ୍ଠ ବୋଲର ଝୁଲଣ ଗୋସ୍ବାମୀ ବୋଲିଂ ମାନ୍ୟତାରେ ୫ମ ସ୍ଥାନରେ ଥିବା ବେଳେ ଅଲରାଉଣ୍ଡର ମାନ୍ୟତାରେ ଦୀପ୍ତି ଶର୍ମା ୫ମ ସ୍ଥାନରେ ରହିଛନ୍ତି। ଟ୍ବେଣ୍ଟି୨୦ ବୋଲିଂ ମାନ୍ୟତାରେ ଭାରତର ପୁନମ୍ ଯାଦବ ୫ଟି ସ୍ଥାନକୁ ଉପରକୁ ଉଠି ୭ନଂରେ ରହିଛନ୍ତି।
Popular Categories
Previous article
Next article