କୋପା ଆମେରିକା ଫୁଟବଲ ଟୁର୍ଣ୍ଣାମେଣ୍ଟ: ପାରାଗୁଏ ବିଜୟୀ, ଆର୍ଜେଣ୍ଟିନା-ଚିଲି ମୁକାବିଲା ୧-୧ରେ ଶେଷ
ବ୍ରାସିଲିଆ/ରିଓ ଡି ଜେନେରୋ: କୋପା ଆମେରିକା ଫୁଟବଲ ଟୁର୍ଣ୍ଣାମେଣ୍ଟର ଗ୍ରୁପ୍ ‘ଏ’ର ୨ୟ ମ୍ୟାଚରେ ପାରାଗୁଏ ୩-୧ ଗୋଲରେ ବଲିଭିଆକୁ ପରାସ୍ତକରି ଅଭିଯାନ ଆରମ୍ଭ କରିଛି। ୧୦ ମିନିଟରେ ବଲିଭିଆ ଆଗୁଆ ହୋଇଥିଲେ ମଧ୍ୟ ଦ୍ବିତୀୟାର୍ଦ୍ଧରେ ପାରାଗୁଏ ୩ଟି ଗୋଲ୍ଦେଇ ବିଜୟୀ ହୋଇ ୩ ପଏଣ୍ଟ ହାସଲ କରିଛି।
ଟୁର୍ଣ୍ଣାମେଣ୍ଟର ୨ୟ ଦିନରେ ଗ୍ରୁପ୍ ‘ଏ’ର ଏକ ମ୍ୟାଚରେ ଆର୍ଜେଣ୍ଟିନା ଓ ଚିଲି ମଧ୍ୟରେ ମୁକାବିଲା ୧-୧ ଗୋଲ୍ରେ ଅମୀମାଂସିତ ରହିଛି। ଉଭୟ ଦଳ ୧ ପଏଣ୍ଟ ଲେଖାଏଁ ପାଇ ଖାତା ଖୋଲିଛନ୍ତି। ବିଶ୍ବପ୍ରସିଦ୍ଧ ଖେଳାଳି ଲିଓନେଲ ମେସିଙ୍କ ଦର୍ଶନୀୟ ଗୋଲ୍ ବଳରେ ଆର୍ଜେଣ୍ଟିନା ଆଗୁଆ ହୋଇଥିବା ବେଳେ ଦ୍ବିତୀୟାର୍ଦ୍ଧରେ ଚିଲି ଗୋଲ୍ ସୁଝାଇ ଦେଇଥିଲା।
Comments are closed.